ق. توقاەۆ پرەزيدەنت ن.نازارباەۆتىڭ باستاماسىمەن ازىرلەنگەن «100 ناقتى قادام» ۇلت جوسپارى مەن ءۇشىنشى جاڭعىرۋ باعدارلاماسىنىڭ ىسكە اسۋى تۋرالى م. كيتۋيدى حاباردار ەتتى. سەنات توراعاسى قازاقستاندا قولايلى بيزنەس احۋالى مەن جايلى ينۆەستيتسيالىق كليماتتى قامتاماسىز ەتۋ ماقساتىن كوزدەيتىن جۇمىستاردىڭ جۇرگىزىلىپ جاتقانىنا جۇزدەسۋشىنىڭ نازارىن اۋداردى.
اڭگىمە بارىسىندا قازاقستاننىڭ كولىك-لوگيستيكا الەۋەتىن دامىتۋ ماسەلەلەرى كوتەرىلدى. ق.توقاەۆ «نۇرلى جول» باعدارلاماسىن ىسكە اسىرۋ بارىسى, ونىڭ قحر-دىڭ «جىبەك جولى» ەكونوميكالىق بەلدەۋى باستاماسىمەن ۇيلەسەتىنى تۋرالى اڭگىمەلەدى. باعدارلاما اياسىندا ەۋرازيالىق الۋان ۇلگىدەگى كولىك ءدالىزى جۇمىس ىستەي باستادى, باتىس ەۋروپا – باتىس قىتاي ترانزيت ءدالىزىنىڭ قازاقستانداعى بولىگىنىڭ قۇرىلىسى اياقتالدى.
سەنات توراعاسى ايماقتىق ساۋدا قاتىناستارىن وركەندەتۋدەگى, تەڭىزگە شىعاتىن جولى جوق ەلدەردىڭ ەكونوميكالىق جانە كولىك مۇمكىندىكتەرىن كۇشەيتۋدەگى يۋنكتاد ۇيىمىنىڭ ۇلەسىن جوعارى باعالادى, ول حالىقارالىق ساۋدا ىقپالداستىعىنا جاردەمدەسەتىن اتاپ ءوتتى.
م. كيتۋي قازاقستانمەن ءوزارا ءتيىمدى ىنتىماقتاستىقتى ۇلعايتۋ جانە بىرلەسكەن جوبالاردى جۇزەگە اسىرۋ جونىندەگى يۋنكتاد جوسپارلارىن راستادى.
