اقتوبە وبلىستىق اۋرۋحاناسىندا انكارا قالاسىنداعى باشكەنت ۋنيۆەرسيتەتى مەديتسينالىق ورتالىعىنىڭ پروفەسسورلارى - ونكولوگ, ترانسپلانتولوگ, ماممولوگ سەدات يلدىرىم مەن پلاستيكالىق, بەت-جاقسۇيەك حيرۋرگى احمەت چاگري ۋيسال بەس قيىن وتا, ونىڭ ىشىندە ەكەۋى بالالارعا جاسادى.
وسىلايشا, كەڭەس بەرۋ كەزىندە كوسمەتيكالىق جانە فۋنكتسيونالدى كەمىستىگى بار استىڭعى بەت-جاقسۇيەگىنىڭ بۋىندارى مەن سۇيەكتەرىنىڭ تۋا بىتكەن پوتولوگياسىمەن اۋىراتىن ەمدەلۋشىنى تەكسەردى. ەكى كەزەڭدىك وتادان تۇراتىن ەمدەۋدىڭ ناقتى جوسپارى جاسالدى. ءسۇت بەزى اۋرۋى بار وزگە ەمدەلۋشىگە ورگاندارىن ساقتايتىن وتا جاسالماق. بارلىق وتانى تۇركيادان كەلگەن ماماندار تەگىن جاسايتىن بولادى.
بۇدان باسقا, «باقىتتى بالا» اكتسياسى اياسىندا اۋىر پوتولوگياسى بار تاعى بەس بالاعا تۇركيادا باشكەنت ۋنيۆەرسيتەتى جانىنان وتا جاسالادى. بالالاردىڭ جولى مەن ەمدەلۋىنە كەتەتىن شىعىندى قابىلدايتىن تاراپ ءوزى كوتەرەدى.
تۇرىك دارىگەرلەرى وبلىستىق دەنساۋلىق ساقتاۋ باسقارماسىنىڭ ۇيىمداستىرۋىمەن ءبىرىنشى رەت كەلىپ تۇرعان جوق. جاقىندا وسىنداي حالىققا تەگىن كەڭەس بەرۋ, وتا جاساۋ, جەرگىلىكتى مامانداردى ەمدەلۋدىڭ زاماناۋي ادىستەرىنە ۇيرەتۋ سەكىلدى اكتسيالاردى وتكىزۋ جوسپارلانىپ وتىر.
تەمىر قۇسايىن,
«ەگەمەن قازاقستان»
اقتوبە
