مينيستر اتا-انالار جينالىستارىنا ادامداردىڭ قاتىسۋ دەڭگەيى وتە تومەندەپ كەتكەندىگىن ايتقان. «ادامداردىڭ تەك 10 پايىزى عانا قاتىسادى» دەگەن ۆەدومستۆو باسشىسى مامىردىڭ 15-ءسى كۇنى بارلىق مەملەكەتتىك ورگاندار مەن مەكەمە باسشىلارىنا اتا-انالاردى جينالىسقا ۋاقىتىندا جىبەرۋگە ۇكىمەت تاراپىنان تاپسىرما بەرۋدى سۇرادى.
سونداي جينالىستاردىڭ ءبىرى استانا قالاسىنداعى تولەگەن ايبەرگەنوۆ اتىنداعى №16 ورتا مەكتەپتە ءوتتى. ء«بىلىمدى ۇلت – وقۋ ساپاسى جانە وتباسىلىق قۇندىلىقتار» اتتى تاقىرىپتا باس قوسقان جيىنعا اتا-انالار مەن ۇستازدار قاتىستى. جوعارىدا ايتىپ كەتكەندەي, باسقوسۋدىڭ نەگىزگى ماقساتى اتا-انالاردى مەملەكەتتىك ءبىلىم ساياساتىنىڭ باعىتتارىمەن تانىستىرۋ, ورتا ءبىلىم بەرۋ جۇيەسىنىڭ جەتىستىكتەرى جانە مەكتەپتى باسقارۋداعى پەداگوگتار مەن اتا-انالاردىڭ كۇشىن بىرىكتىرۋ تۋرالى حابارلاۋ بولاتىن.
اتا-انالار جينالىسىن مەكتەپ ديرەكتورى بالجان ايتمۇحامەتوۆا اشىپ بەردى. ءوز بايانداماسىندا مەكتەپ باسشىسى قازاقستانداعى جاڭا ءبىلىم ستاندارتتارى تۋرالى ايتتى. جيىنعا قاتىسقان اتا-انالاردىڭ كوبى ماتەماتيكا, ورىس ءتىلى, قازاق ءتىلى پاندەرىنە قاتىستى جاڭارتىلعان ءبىلىم مازمۇنى جايلى سۇراقتار قويدى. سونداي-اق اتا-انا ينارا تۋرباسوۆا كريتەريلى باعالاۋعا بايلانىستى ساۋال جولدادى.
وعان مەكتەپ ديرەكتورى «كريتەريلى باعالاۋ ءبىلىمنىڭ ماقساتى مەن مازمۇنىنا سايكەس كەلەتىن, ايقىن انىقتالعان, ۇجىممەن شىعارىلعان, ءبىلىم پروتسەسىنىڭ بەلگىلى كريتەريلەرى وقۋشىلاردىڭ وقۋ جەتىستىكتەرىن سالىستىرۋعا نەگىزدەلگەن پروتسەسس», دەپ جاۋاپ بەردى.
باسقوسۋدا اتالعان مەكتەپتىڭ بولاشاق جوسپارلارى تۋرالى دا ءسوز بولدى. قويىلعان سۇراقتاردىڭ ىشىندە مەكتەپتىڭ كۇردەلى جوندەۋىنە قاتىستى, جان باسىنا شاققانداعى قارجىلاندىرۋعا اۋىستىرۋ, اقىلى ءبىلىم قىزمەتىن كورسەتۋ ءۇشىن قازىناشىلىقتا شوت اشۋ تۋرالى ماسەلەلەر كوتەرىلدى.
لاريسا كاپچەنكو ەسىمدى اتا-انا ۇزارتىلعان توپتاعى ساباقتاردىڭ باعاسى تۋرالى سۇراق قويدى. ساۋالعا مەكەمە باسشىسى «استانا قالاسى ءبىلىم باسقارماسىنىڭ 2017 جىلعى 14 جەلتوقسانداعى №771 بۇيرىعىنا سايكەس مەملەكەتتىك جالپىعا مىندەتتى ءبىلىم ستاندارتتارىنىڭ تالاپتارىنان تىس استانا قالاسىنىڭ مەملەكەتتىك قازىنالىق ء بىلىم مەكەمەلەرى ىسكە اسىراتىن اقىلى ءبىلىم قىزمەتتەرىن بەرۋ قۇنى ساعاتىنا 450 تەڭگەنى قۇرايدى», دەپ جاۋاپ بەردى.
ميراس اسان,
«ەگەمەن قازاقستان»
استانا
