«عىلىم ورداسىنىڭ» عيماراتىندا وتكەن باسقوسۋعا ەلىمىزدىڭ بەلگىلى عالىمدارى جينالدى. ۇعا پرەزيدەنتى مۇرات جۇرىنوۆ قاتىسۋشىلارعا شارانىڭ نەگىزگى ماقساتىن تۇسىندىرە كەلە «قر ۇعا xابارشىسى», «قر ۇعا xابارلارى. حيميا جانە تەxنولوگيا سەرياسى», «قر ۇعا xابارلارى. فيزيكا-ماتەماتيكا سەرياسى», «قر ۇعا xابارلارى. گەولوگيا جانە تەxنيكالىق عىلىمدار سەرياسى» باسىلىمدارىنىڭ حالىقارالىق دەرەكتەر قورىنا ەنۋىنە قازاقستاندىق عالىمداردىڭ قوسقان ۇلەسى جوعارى ەكەندىگىن اتاپ ءوتتى.
م.جۇرىن ۇلى سونىمەن قاتار ۇعا تاراپىنان 1946 جىلدان باستاپ عىلىمي باعىتتا شىعاتىن 8 باسىلىمنىڭ وتكەن عاسىردىڭ 60-70-جىلدارىنان بەرگى ارالىقتا جوعارى دەڭگەيدەگى جۋرنالداردىڭ حالىقارالىق تىزىمىندە تۇرعاندىعىنا توقتالدى. بۇگىندە بۇل جۋرنالدار اقش, ۇلىبريتانيا, گەرمانيا, فرانتسيا, جاپونيا, قىتاي سياقتى الەمنىڭ 73 مەملەكەتىنىڭ ءىرى كىتاپحانالارىنا تارالادى. ال 2016 جىلى «قر ۇعا حابارلارى. گەولوگيا جانە تەحنيكالىق عالىمدار سەرياسى» جۋرنالى حالىقارالىق Scopus مالىمەتتەر قورىنا ەنگەن. بۇل ورتا ازيا رەسپۋبليكالارى عىلىم اكادەميالارىنىڭ باسىلىمدارى اراسىندا اتالعان دەرەكتەر قورىنا ەنگەن بىردەن-ءبىر جۋرنال بولىپ تابىلادى.
الەمدىك زەرتتەۋشىلەر قاۋىمداستىعىنىڭ ارىپتەسى بولىپ تابىلاتىن سlarivate Analytics حالىقارالىق كومپانياسىنىڭ (اقش) وكىلى, رەسەي جانە تمد بويىنشا ديرەكتورى و.گ.ۋتكين عالىمدارعا, جۋرنال رەداكتورلارىنا بىرلەسكەن جۇمىستارى ءۇشىن ۇلكەن العىسىن ءبىلدىردى. بۇگىندە حالىقارالىق رەيتينگتى مالىمەتتەر قورىندا قازاقستاندا شىعاتىن 10 جۋرنال تىركەلگەن. سlarivate Analytics كومپانياسى عىلىمي ورتاعا ساراپتامالىق دەرەكتەر ۇسىنىپ, تەحنولوگياداعى ۇدەرىستەردى جىلدام مەڭگەرۋگە مۇمكىندىك بەرىپ قانا قويماي, يننوۆاتسيالىق سالادا باسەكەگە قابىلەتتىلىكتى كۇشەيتۋگە ىقپال ەتەتىن بەدەلدى مالىمەتتەر ورتالىعى بولىپ تابىلادى. وتاندىق عىلىمنىڭ دارەجەسى مەن دەڭگەيىن كورسەتە وتىرىپ, الەمنىڭ ەڭ ىقپالدى دەگەن جۋرنالدارىمەن ءبىر كەڭىستىكتە شوعىرلانۋى اكادەميالىق جۋرنالداردىڭ بەدەلىن ارتتىرۋمەن قاتار, تاياۋ جىلداردا دامۋ بارىسىنا زور ىقپالىن تيگىزەتىنى ءسوزسىز. وسى تۇجىرىمدى ورتاعا تاستاعان عىلىمي ورتا الەمدىك زەرتتەۋلەر جۇيەسىندە بولىپ جاتقان ۇدەرىستەردى دەر كەزىندە مەڭگەرۋ قازاقستاندىق عىلىمعا جاڭا سەرپىن بەرەدى دەگەن سەنىمدە.
ەلۆيرا سەرىكقىزى,
«ەگەمەن قازاقستان»
الماتى
