ەلىمىزدىڭ وزگە وڭىرلەرىندە وتكىزىلگەنمەن, ماڭعىستاۋدا قالىس قالىپ كەلە جاتقان ماسكەۋ وليمپياداسىنىڭ جۇلدەگەرى, قازاقستاننىڭ ەڭبەك ەرى جاقسىلىق ۇشكەمپىروۆ جۇلدەسىنە ارنالعان گرەك-ريم كۇرەسىنەن جاستار اراسىنداعى حالىقارالىق گران-پري ءتۋرنيرى مامىر ايىنىڭ 4-دە اقتاۋدا العاش رەت جالاۋىن جەلبىرەتتى. ءتۋرنيردىڭ سالتاناتتى اشىلۋ راسىمىنە ماڭعىستاۋ وبلىسىنىڭ اكىمى ەرالى توعجانوۆ, وليمپيادا چەمپيونى جاقسىلىق ۇشكەمپىروۆپەن بىرگە قاتىسقان قۇرمەتتى قوناقتار قاتارىندا يۋري مەلنيچەنكو, باحتيار بايسەيىتوۆ, نۇرباقىت تەڭىزباەۆ, اسەت يمانباەۆ سىندى وليمپيادا چەمپيوندارى مەن جۇلدەگەرلەرى بار. اقتاۋداعى «ماڭعىستاۋ ارەنا» سپورت كەشەنىندە 4-6 مامىر كۇندەرى وتكەن تۋرنيرگە الەمنىڭ 15 ەلىنەن 60 سپورتشى قاتىستى.
«قوس تويىڭ قابات بولسىن» دەگەندەي, وسى كۇنى استانا قالاسىنىڭ 20 جىلدىعى, اقتاۋ قالاسىنىڭ 55 جىلدىعى اياسىندا اقتاۋ قالاسىندا ءزاۋلىم سپورت سارايىنىڭ ىرگەتاسى قالاندى. سولتۇستىك كاسپي جوباسىنىڭ وپەراتورى «نورت كاسپيان وپەرەيتينگ كومپاني ن.ۆ.» (نكوك) كومپانياسىنىڭ قولداۋىمەن سالىناتىن سپورت كەشەنىنىڭ قۇرىلىسى بيىل باستالادى. ء ۇش قاباتتان تۇراتىن كەشەندە بوكس جانە جەكپە-جەك كۇش سىناساتىن سپورت تۇرلەرىنە ارنالعان كورەرمەندەر زالى, تاەكۆوندو, دزيۋدو جانە اۋىر اتلەتيكا جاتتىعۋلارىنا ارنالعان زال, ۇلكەن باسسەين, دەنە شىنىقتىرۋ مەن ساۋىقتىرۋ شارالارىنا, حورەوگرافيا مەن گيمناستيكاعا ارنالعان بولمەلەر بار, سونداي-اق شاعىن فۋتبول, باسكەتبول, ۆولەيبول, تەننيس جانە جەڭىل اتلەتيكاعا ارنالعان كوپ قىزمەتتى اشىق الاڭدار دا قاراستىرىلعان. 20 220 شارشى مەتر جەرگە قازىق قاققان جاڭا سپورت ورتالىعىندا 1500 ورىندىق كوپ قىزمەتتى زال ورنالاسادى. كاسىبي سپورتپەن شۇعىلدانۋدى ۇيىمداستىرۋعا, دەنە شىنىقتىرۋ جانە قالا تۇرعىندارىن ساۋىقتىرۋعا, سونداي-اق اۋقىمدى سپورتتىق جانە مادەني-كوپشىلىك ءىس-شارالاردى وتكىزۋگە ارنالىپ اينەك پەن بەتوننان زاماناۋي ۇلگىدە جاسالعان اسەم سپورت كەشەنىنىڭ قۇرىلىسى الەۋمەتتىك جانە ينفراقۇرىلىمدىق جوبالار شەڭبەرىندە جۇزەگە اسىرىلادى.
− مەملەكەت باسشىسى نۇرسۇلتان نازارباەۆ ء «تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا سالاماتتى ءومىر سالتىن ناسيحاتتاي وتىرىپ, قوعامدىق دەنساۋلىقتى باسقارۋ ءىسىن كۇشەيتۋ كەرەك جانە جاستاردىڭ رەپرودۋكتيۆتى دەنساۋلىعىن قورعاۋعا, نىعايتۋعا ەرەكشە نازار اۋدارۋ كەرەكتىگىن اتاپ ءوتتى. بۇگىن NCOC كومپانياسى الەۋمەتتىك ينفراقۇرىلىمدىق جوبالار اياسىندا جۇزەگە اسىرىپ جاتقان «سپورت سارايى» جوباسى وبلىس تۇرعىندارىنىڭ قىزىعۋشىلىعىن ودان ءارى ارتتىرىپ, سالاماتتى ءومىر سالتىن ۇستانۋعا جاعداي جاسايدى. وسى سپورت سارايى عيماراتىندا, ەلىمىزدىڭ تۋىن كوككە جەلبىرەتەر ەرتەڭگى چەمپيوندار شىعاتىنىنا سەنەيىك, دەدى ماڭعىستاۋ وبلىسىنىڭ اكىمى ەرالى توعجانوۆ سپورت سارايىنىڭ ىرگەتاسى قالانۋ سالتاناتىندا.
ال اۋقىمدى جوباعا قولداۋ كورسەتۋشى «نكوك» كومپانياسىنىڭ باسقارۋشى ديرەكتورى برۋنو جاردەن جەرگىلىكتى حالىقتىڭ دەنساۋلىعىن ساقتاپ, نىعايتۋ ماسەلەلەرىن شەشۋ ءۇشىن كومپانيا كەشەندى ءتاسىلدى قولداناتىنىن ايتىپ ءوتتى. ول وسىنداي نىساندار سالۋ ارقاسىندا مىقتى سپورتشىلاردى دايارلاۋ ءۇشىن ۇلكەن مۇمكىندىكتەر اشىلاتىنىنا ەرەكشە نازار اۋداردى. ايتا كەتۋ كەرەك, اتالمىش كومپانيا ماڭعىستاۋ وڭىرىندە ءىرى جوبالارعا قولداۋ كورسەتىپ كەلەدى. سولتۇستىك كاسپي كونسورتسيۋمىنىڭ قارجىسىنا اقتاۋ قالاسىنداعى بيۋدجەت سالاسىنىڭ قىزمەتكەرلەرىنە ارنالعان 500 ورىندىق جاتاقحانا, قالانىڭ 33 شاعىن اۋدانىندا ورنالاسقان كوپ قىزمەتتى سپورت كەشەنى, ماڭعىستاۋ وبلىسىنا ءارتۇرلى مەملەكەتتىك باعدارلامالار, سونىڭ ىشىندە ايماقتاردى يندۋستريالاندىرۋ باعدارلاماسى بويىنشا جۇمىس ىستەۋگە كەلگەن جۇمىسشى ماماندارعا ارناپ قاراقيا اۋدانىنىڭ قۇرىق اۋىلىندا سالىنعان 500 ورىندىق جاتاقحانا سەكىلدى بىرقاتار ماڭىزدى الەۋمەتتىك نىسان سالىندى. بۇل نىساندار «نكوك» كومپانياسى ءۇشىن ماڭىزدى الەۋمەتتىك جانە ينفراقۇرىلىمدىق جوبالار شەڭبەرىندە سالىنىپ جاتىر, سەبەبى بۇل قۇرىلىستار كونسورتسيۋمعا جەرگىلىكتى جۇرتشىلىقتىڭ قاجەتتىلىكتەرىن تىكەلەي قامتۋ مۇمكىندىگىن بەرەدى. كونسورتسيۋم ماڭعىستاۋ جانە اتىراۋ وبلىستارىندا الەۋمەتتىك جوبالارعا ۇلكەن قاجەتتىلىك بار ەكەنىن ەسكەرىپ, بىرقاتار قوسىمشا جوبالاردى دا جۇزەگە اسىرۋدا.
سپورت سارايىنىڭ ىرگەتاسى قالانۋ بارىسىندا اقتاۋدىڭ 100 جىلدىعىندا اشىلىپ وقىلۋ ءۇشىن, ياعني ەندى 45 جىلدان سوڭ – 2063 جىلعى جاس سپورتشى بۋىنعا ارنالعان بۇگىنگى اعا بۋىن وكىلدەرىنىڭ امانات-حاتى سالىنعان كاپسۋلا ورنالاستىرىلدى.
اسەرلى شارادان سوڭ وليمپيادا چەمپيونى جاقسىلىق ۇشكەمپىروۆ ماڭعىستاۋ وبلىسىنىڭ اكتيۆىمەن كەزدەسىپ, سپورت سالاسىنداعى ەل ماقتانىشتارىن جاستارعا ۇلگى ەتتى.
− ءبىزدىڭ جاستارىمىز باقىتتى ءومىر سۇرۋدە. ەلباسى نۇرسۇلتان ءابىش ۇلى نازارباەۆ ساياساتىنىڭ ارقاسىندا ەلىمىزدەگى سپورت سالاسى بەلسەندى دامىپ كەلەدى. بۇگىندە ولاردا سپورتپەن جاستايىنان شۇعىلدانىپ, ءوز ەلىن الەمگە تانىتاتىن اتاقتى سپورتشىعا اينالۋ مۇمكىندىگى بار. سالاماتتى ۇلت بولىپ قالىپتاسۋ ءۇشىن دەنى ساۋ ۇرپاق تاربيەلەۋ جولىندا ءبىز دە ءوز ۇلەسىمىزدى قوسىپ كەلەمىز. ءارتۇرلى جارىستار ۇيىمداستىرىپ, اۋداندار مەن شالعاي اۋىلدارعا ءجيى كەلۋگە تىرىسامىز. ءبىز جاستارىمىزعا تانىمال سپورتشىلاردى ۇلگى ەتە وتىرىپ, تاباندىلىق پەن ەڭبەكسۇيگىشتىكتىڭ ارقاسىندا بارىنە قول جەتكىزە الاتىنىن تۇسىندىرگىمىز كەلەدى. مەن ماڭعىستاۋ جۇرتشىلىعىنا جىلى قابىلداعانى ءۇشىن ريزاشىلىعىمدى بىلدىرەمىن جانە بۇل وڭىردە دە وليمپيادا چەمپيوندارى كوپ بولسىن! − دەدى جاقسىلىق ۇشكەمپىروۆ.
بۇل – ماڭعىستاۋدىڭ سپورت سالاسىنداعى جانە سپورتسۇيەر قاۋىم ءۇشىن ەستە قالارلىق كەزدەسۋ بولدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
