ەكى كۇن ىشىندە - 5-6 مامىردا جەڭىس سيمۆولىن 20 مىڭعا جۋىق ادام الىپ ۇلگەردى.
"مەنىڭشە, بۇل وتە دۇرىس ءارى قاجەت ءىس-شارا, اسىرەسە بالالار ءۇشىن. قازىر ولار مەنەن بۇل لەنتالاردى نە ءۇشىن بەرىپ جاتقانىن سۇراۋى مۇمكىن. مەن ولارعا ۇلى وتان سوعىسىنىڭ جەڭىس كۇنى مەرەكەسى قارساڭىندا وسىلاي جاسايتىنىن ايتىپ تۇسىندىرەم. اتالارىمىزدىڭ جاساعان ەرلىگى تۋرالى تاريحتى ايتىپ بەرەمىن", - دەيدى بايتەرەك مونۋمەنتىنىڭ جانىنان لەنتا العان ايدوس شادياروۆ.
9 مامىرعا دەيىن استانا تۇرعىندارى مەن قوناقتارىنا ءجۇز مىڭعا جۋىق جەڭىس لەنتاسىن تاراتىپ شىعادى. سيمۆولدى 3 جەردەن الۋعا بولادى: "بايتەرەك" مونۋمەنتى الاڭىنىڭ جانىنان, ستۋدەنتتەر ساياباعىنان جانە حان شاتىر وسو الدىنان. سونىمەن قاتار, ۇيىمداستىرۋشىلار لەنتانى 9 مامىردا وتەتىن بارلىق ۇلكەن ءىس-شارالاردا با بەرىلەتىنىن ايتۋدا.
