ەرلان الىبەك ۇلىنىڭ سوزىنە سۇيەنسەك, الماتى قالاسىنىڭ اۋماعى سەل-تاسقىنعا قاۋىپتى, وعان قوسا الماتى قالاسىنىڭ ماڭايىندا 36 مورەنالىق كول بار, ولاردىڭ ون جەتىسى بۇزىلۋ قاۋپى بار كول رەتىندە بەلگىلەنگەن.
جىل سايىن وسى ماقسات بويىنشا جەرگىلىكتى بيۋدجەتتەن, سونداي-اق, رەسپۋبليكالىق بيۋدجەتتەن قارجى بولىنەدى.
2017 جىلى 9 بۇزىلۋ قاۋپى بار مورەنا كولدەرىن بوساتۋ ءۇشىن ءبىرىنشى رەت ديامەترى 315 مم بولاتىن سيفون قۇبىرلارى (ۇزىندىعى 1,5 شاقىرىم), سونداي-اق الماتى قالاسىنىڭ توتەنشە جاعدايلار دەپارتامەنتىنىڭ باستاماسى بويىنشا 2016 جىلى اكىمدىكتەن الىنعان ساعاتىنا 400 م.3 سۋ سوراتىن جوعارى ءونىمدى سورعىلار قولدانىلدى. اتقارىلعان جۇمىستار ناتيجەسىندە 4 كول تولىقتاي بوساتىلدى. قالعان كولدەردە سۋ دەڭگەيى 2-دەن 9 مەترگە دەيىن تومەندەدى. جانە جەرگىلىكتى بيۋدجەتتەن بولىنگەن 13 ملن. تەڭگەگە «قازسەلدەنقورعاۋ» اقپب مم جوعارى تاۋلى سۋ بەكەتتەرىنە 10 تۇرعىن ءۇي ءمودۋلى ساتىپ الىندى.
الماتى قالاسىنىڭ توتەنشە جاعدايلار دەپارتامەنتى الماتى قالاسىن سەلدەن قورعاۋ ماسەلەسىن تۇبەگەيلى شەشۋ ءۇشىن 4 اسا قاۋىپتى ۋچاسكەنى تەكسەردى. ولاردىڭ ىشىندە بىرەۋىندە قورعانىس قۇرىلىمدارى مۇلدەم جوق بولىپ شىقتى. بۇل كەمشىلىكتى جويۋ ءۇشىن تومەندەگىدە شارالار جۇرگىزۋ قاجەت دەپ تانىلدى:
– ۇلكەن الماتى وزەننىڭ جوعارعى جاعىنان ايۋساي وزەنىنىڭ تومەنگى جاعىنا دەيىن سەل اعىندى بوگەت قۇرىلىسىن جۇرگىزۋ;
– اقساي وزەنىنە سەل اعىندى بوگەت قۇرىلىسىن سالۋ;
– قولدانىستاعى مىڭجىلقى (كىشى الماتى) بوگەتىن قايتا قۇرۋ;
اتالعان ۋچاسكەلەر بويىنشا 2016 جىلى جەرگىلىكتى بيۋدجەتتەن بولىنگەن (169,1 ملن.تەڭگە) قاراجاتقا جوبالىق- سمەتالىق قۇجاتتار جاسالدى.
2017 جىلى ترانسفەرت تاسىلىمەن بولىنگەن قاراجاتقا قولدانىستاعى مىڭجىلقى بوگەتىنىڭ ءبىرىنشى كەزەڭىنە قايتا جوندەۋ جۇمىستارى جۇرگىزىلدى جانە گەس-1 ءۇاو اۆتوجولىنداعى قاۋىپتى ۋچاسكەلەرگە قورعانىس قۇرىلىستارى سالىنىپ, قاۋىپتى ايماقتارداعى اسا قاۋىپتى جەرلەر نىعايتىلدى. مىڭجىلقى بوگەتىن قايتا جوندەۋدىڭ 2-ءشى كەزەڭى 2018 جىلعا جوسپارلانعان.
سەلگە قاۋىپتى ۇلكەن الماتى وزەنى ارناسىنىڭ سۋ جىبەرۋ مۇمكىندىكتەرىن جاقسارتۋ ماقساتىندا 2017 جىلى رەسپۋبليكالىق بيۋدجەتتەن بولىنگەن (11 ملن. 858 مىڭ تەڭگە) قارجىعا وزەننىڭ اينالاسىنا وسكەن 2268 جابايى اعاشتار مەن بۇتالار كەسىلدى. سونىمەن قاتار, بۇگىنگى كۇنى وزەننىڭ تەحنيكالىق جاعدايى كوڭىل كونشىتپەيدى(ارالاس تەمىربەتون قۇرىلىستارى بۇزىلىپ, سونىڭ سالدارىنان سۋ اعىنىنىڭ جىلدامدىعى تۇراقتاندىرىلمايدى جانە سۋدىڭ قاۋىپسىز ءوتۋى قامتاماسىز ەتىلمەگەن). سوندىقتان قايتا جوندەۋدى تالاپ ەتەدى.
بۇل ماسەلەلەردى جويۋ ءۇشىن الماتى قالاسىنىڭ توتەنشە جاعدايلار دەپارتامەنتى جوبالىق- سمەتالىق قۇجاتتار ءۇشىن 2018 جىلعا جەرگىلىكتى بيۋدجەتتەن 36,7 ملن.تەڭگە بولۋگە باستاما كوتەردى, – دەپ حابارلادى ەرلان الىبەك ۇلى.
ايناش ەسالي,
«ەگەمەن قازاقستان».
الماتى
