س.سۇلەيمەن زاڭ بويىنشا ولاردى شەشۋگە بالاما ادىستەردى: مەدياتسيا, پارتيسيپاتيۆ (ادۆوكاتتار جۇرگىزەتىن كەلىسىم ءراسىمى) قولدانۋعا جول بەرىلگەن 2017 جىلى سوتتا قارالعان ىستەردىڭ تەك 5,5 % مەديتسيانى, 0,1 % پارتيسيپاتيۆتىك راسىمدەرىن قولدانۋمەن اياقتالعانىن اتاپ ءوتتى.
تاتۋلاسۋ راسىمدەرىن قولدانۋدىڭ تومەن دەڭگەيدە بولۋىنىڭ سەبەبى حالىققا بۇل راسىمدەر تۋرالى اقپارات بەرۋگە باعىتتالعان كەشەندى جۇمىستىڭ جۇرگىزىلمەۋىندە, ادامدار داۋدى بىتىممەن شەشۋ تاسىلدەرىن بىلمەيدى, كەلىسىمدەردىڭ ورىندالاتىنىنا سەنىم جوق.
سپيكەر ەڭ كوپ تاراعان داۋلاردىڭ ىشىندە – وتباسىلىق داۋلارعا قاتىسۋشىلاردىڭ نازارىن اۋداردى. بۇل داۋلاردىڭ سالدارىنان وتباسىلار بۇزىلىپ, بالالار اكە نە شەشەنىڭ تاربيەسىن تولىققاندى المايدى.
تاتۋلاسۋ راسىمدەرى وسىنداي جانە باسقا دا داۋلاردى ناتيجەلى شەشۋگە مۇمكىندىك بەرەدى. مۇنى استانا قالاسى سارىارقا اۋداندىق سوتىندا جۇزەگە اسىرىلىپ جاتقان تاتۋلاسۋ راسىمدەرىن دامىتۋعا باعىتتالعان جوبادا ايقىنداپ وتىر. وسى جىلدىڭ 14 ناۋرىزىنان بەرى تاتۋلاسۋ راسىمدەرىن جۇرگىزەتىن سۋدياعا تۇسكەن ىستەردىڭ 19 % مەديتسيالىق كەلىسىمگە كەلۋمەن اياقتالعان.
وسىعان وراي, قوعامداعى داۋكەستىكتىڭ دەڭگەيىن تومەندەتۋ ماقساتىندا داۋلاردى تاتۋلاسۋ راسىمدەرىمەن شەشۋدى كوبەيتۋ قاجەت. جوبانىڭ بۇل ماقساتى ەلىمىزدىڭ رۋحاني جاڭعىرۋعا باعىتتالعان ستراتەگيالىق باعدارلامالارىنان تۋىندايدى.
حالىقتىڭ تاتۋلاسۋ راسىمدەرىن قولدانۋ مۇمكىندىكتەرىن ارتتىرۋعا وندا داۋلاردى شەشۋگە كومەكتەسەتىن مەدياتورلار, ادۆوكاتتار, پسيحولوگتار, باسقا كىزمەت تۇرلەرى كورسەتەلەتىن تاتۋلاسۋ ورتالىقتارىن اشۋ جاعىمدى اسەرىن تيگىزەدى.
جوبا بويىنشا كەشەندى جۇمىستار ناتيجەسىندە داۋلاردى شەشۋدىڭ مادەنيەتى قالىپتاسادى, مورالدىق جانە ماتەريالدىق شىعىندار ازايادى; داۋكەستىكتىڭ دەڭگەيى تومەندەيدى جانە قۇقىق بۇزۋشىلىقتىڭ الدىن الۋعا بولادى.
