وسىنداعى قازاق دياسپوراسىنىڭ وكىلدەرى ۇلتتىق قۇندىلىقتاردى جوعالپاي, جاس ۇرپاقتىڭ حالقىمىز داستۇرلەرى مەن ءتىلىمىزدى ۇمىتپاۋى ءۇشىن جاڭا سەرپىلىسپەن جۇمىس ىستەۋگە تالاپتانىپ وتىر. تۇساۋكەسەردە وسى جاڭا قوعامدىق ۇيىمنىڭ جەتەكشىسى ومىرعالي وتاليەۆ قاي ۇلتتىڭ دا تاريحتى بىلمەي بولاشاعى ب ۇلىڭعىر دەپ بىلەدى.
«ايقاپتى» قۇرعانداعى باستى ماقساتىمىز جاس ۇرپاق ءوز ۇلتىنىڭ, حالقىنىڭ ءتىلىن, ءداستۇرىن ۇمىتپاسا ەكەن دەيمىز. سول ءۇشىن جۇمىس ىستەيتىن بولامىز» دەيدى ومىرعالي وتاليەۆ.
چەليابى وبلىسىندا 40 مىڭعا جۋىق قانداستارىمىز تۇرادى. بۇگىندە سولاردىڭ اراسىندا انا ءتىلىن بىلەتىندەردىڭ قاتارى تىم سەلدىرەپ كەتكەن. بىراق سوڭعى جىلدارى جاستاردىڭ ۇلتتىق قۇندىلىقتارعا دەگەن ىنتاسى ەرەكشە. «ايقاپ» قازاق ۇلتتىق-مادەني قوعامدىق بىرلەستىگىن قۇرعان ىنتالى توپ ونىڭ جۇمىسىنا جاستاردى تارتۋدى ويلاستىرىپ وتىر. قانداسىمىز, ترويتسك قالاسىنداعى №9 ورتا مەكتەپتىڭ مۇعالىمى عاليا سارسەنباەۆا جەكسەنبىلىك مەكتەپتە قازاقتارعا قازاق ءتىلىن ۇيرەتەدى.
«انا ءتىلىن بىلمەگەن ءوزىن قالاي قازاق دەگەن حالىقتىڭ وكىلىمىز دەپ ايتا الادى؟ جاستاردىڭ تۋعان حالقىنا, ەلگە, تۋعان جەرىنە دەگەن پاتريوتتىق سەزىمى تەك انا ءتىلى ارقىلى عانا قالىپتاسادى. سوندىقتان جاڭادان قۇرىلىپ وتىرعان «ايقاپ» قازاق ۇلتتىق-مادەني قوعامدىق بىرلەستىگى ەڭ الدىمەن ديسپورا وكىلدەرى اراسىندا, جاستارعا قازاق ءتىلىن ۇيرەتۋدى بەرىك قولعا الاتىن بولادى» دەيدى عاليا سارسەنباەۆا.
تۇساۋكەسەرگە ترويتسك قالاسىنداعى جەرگىلىكتى اتقارۋشى بيلىك جانە دوستىق ءۇيى وكىلدەرى قاتىسىپ, قۇتتىقتادى, الداعى ۋاقىتتا بىرلەسىپ جۇمىستار جۇرگىزۋگە مامىلەلەستى. «ايقاپ» قوعامدىق ۇيىمى دۇنيەجۇزى قازاقتارىنىڭ قاۋىمداستىعى قوستاناي وبلىستىق فيليالىمەن جانە قوستاناي وبلىستىق تىلدەردى دامىتۋ باسقارماسىمەن تىعىز بايلانىستا جۇمىس ىستەيتىن بولادى.
ءنازيرا جارىمبەت,
«ەگەمەن قازاقستان»
