دەسەك تە, وڭتۇستiك بالامالى ەنەرگيا كوزدەرi بويىنشا الەۋەتتi ءوڭiر بولىپ ەسەپتەلەدى. وبلىس اۋماعىنان 122 وزەن اعادى, 41 سۋ قويماسى بار. ياعني بالامالى ەنەرگيا كوزدەرىن دامىتۋ مۇمكىندىگى مول. بۇگىندە وسى باعىتتا اۋقىمدى جۇمىستار اتقارىلۋدا.
بولاشاقتىڭ ەنەرگەتيكاسى تۋرالى باستامانى ەلباسى «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا كوتەرگەنى ءمالىم. وسى باستاما بويىنشا «جاسىل ەكونوميكاعا كوشۋ» جونىندەگى تۇجىرىمداما بەكىتىلدى. مەملەكەت باسشىسى, سونداي-اق بيىلعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا 2030 جىلعا قاراي قازاقستانداعى بالامالى ەنەرگيا ۇلەسىن 30 پروتسەنتكە جەتكىزۋ مىندەتى قويىلعانىن ايتىپ ءوتتى. «جاسىل» تەحنولوگيالارعا ينۆەستيتسيا سالۋ ءۇشىن بيزنەستى ىنتالاندىرۋ ماڭىزدى ەكەنىن دە اتاپ كورسەتتى. بالامالى ەنەرگيا كوزدەرىن دامىتۋ وبلىس اكىمىنىڭ باستى نازارىندا.
مىسالى, وبلىس اكىمى جانسەيىت تۇيمەباەۆتىڭ ەۋروپا قايتا قۇرۋ جانە دامۋ بانكىنىڭ قازاقستانداعى ديرەكتورى اگريس پرەيمانيسپەن كەزدەسۋىندە ءوڭىردىڭ اۋىل شارۋاشىلىعى سەكتورىنىڭ مۇمكىندىگى دە, الەۋەتى دە مول ەكەندىگى ايتىلدى. بۇل ورايدا اگريس پرەيمانيس, بالامالى ەنەرگيا كوزدەرى, سوعان قاتىستى جوبالار ينۆەستورلاردىڭ نازارىن ءجيى اۋداراتىنىن اتاپ ءوتتى. وبلىس اكىمىنىڭ «Tree Energy» جشس-ءنىڭ باسشىسى جانبولات مۇزباەۆپەن كەزدەسۋىندە دە تاراپتار بالامالى ەنەرگيا كوزدەرىن اۋىل شارۋاشىلىعى سالاسىنا كەڭىنەن قولدانۋ ماسەلەسىن تالقىلادى. وڭتۇستىكتە ۇزدىكسىز جەل سوعىپ تۇراتىن ايماقتار بارشىلىق. جەل ەنەرگياسىنىڭ باسقا ەنەرگيا كوزدەرىنەن ەكولوگيالىق جانە ەكونوميكالىق ارتىقشىلىقتارى كوپ. وسى ورايدا ج.تۇيمەباەۆ وڭىردە جەل كۇشىمەن الىناتىن ەلەكتر ەنەرگياسى قۋاتىن كەڭىنەن جانە مول وندىرۋگە بولاتىنىن ايتا كەلە, الداعى ۋاقىتتا تۇراقتى پايدالانۋ ءۇشىن جەل ەنەرگياسى كوزدەرىمەن كەشەندى تۇردە ۇشتاستىرۋ يدەياسىن وبلىس اكىمدىگى تولىعىمەن قولدايتىنىن ءبىلدىردى.
بالامالى ەنەرگيا كوزدەرىن كوبەيتۋ ماقساتىندا وبلىستا بىرقاتار جوبالار جۇزەگە اسىرىلۋدا. مىسالى, تولەبي اۋدانىندا قۋاتى 2,5 مۆت «كەڭەس» شاعىن سۋ ەلەكتر ستانساسىنىڭ, سارىاعاش اۋدانىندا جالپى قۋاتى 5 مۆت بولاتىن ەكى شاعىن سۋ ەلەكتر ستانساسى, سونىمەن بىرگە «جىلعا» اۋىلىندا قۋاتى 20 مۆت كۇن ەلەكتر ستانساسىنىڭ قۇرىلىسى باستالادى. جالپى, الداعى ۋاقىتتا بالامالى ەنەرگيا كوزدەرىن دامىتۋ بويىنشا تولەبي اۋدانىندا 20 مۆت ەلەكتر ەنەرگياسىن وندىرەتىن ءىرىلى-ۇساقتى 10 سۋ ەلەكتر ستانساسى سالىنباق. بۇدان بولەك, ماقتارال اۋدانى جەتىساي قالاسى ماڭىندا كۇن ەلەكتر ستانساسى قۇرىلىسىن جۇرگىزۋ جوسپاردا تۇر. جوباعا 10,7 گا جەر بولىنگەن, قۋاتى 4,8 مۆت. بۇگىنگى تاڭدا رۇقسات بەرۋ قۇجاتتامالارى ازىرلەنىپ, قۇرىلىس جۇمىستارى قاراشا ايىندا باستالادى دەپ جوسپارلانۋدا.
جوباعا گەرمانيالىق «NwComp Solar GmbH» كومپانياسى 7 ملن ەۋرو ينۆەستيتسيا قۇيىپ وتىر. ال ماقتارال اۋدانىنداعى ەكىنشى جوبانىڭ ينۆەستورى – گوللانديالىق VTK Investments B.V كومپانياسى. اۋداننان 100 مۆت كۇن ەلەكتر ستانساسىن سالۋ بويىنشا ەكىجاقتى مەموراندۋمعا قول قويىلعان. جوبا قۇنى – 150 ملن ەۋرو. سونداي-اق بايدىبەك اۋدانى جۇزىمدىك ەلدى مەكەنىندە «ۆەتروپارك جۇزىمدىك» جشس قۋاتى 40 مۆت بولاتىن جەل ەلەكتر ستانساسىنىڭ قۇرىلىس جۇمىستارىن باستايدى. اۋداندا شەتەلدىك «Emperial Renewabie Energy» جشس-ءى (قۋاتتىلىعى 100 مۆت) جانە «KK-Kiunsen» (قۋاتتىلىعى 210 مۆت) كاسىپورىندارى جوبالۋ سمەتالىق قۇجاتتارىن ازىرلەسە, اتالعان سالاداعى جۇمىستاردى اعىمداعى جىلى تولىق اياقتاۋ جوسپارلانىپ وتىر. ارىس قالاسىندا قۋاتى 14 مۆت بولاتىن كۇن ەلەكتر ستانساسىن سالۋ دا بيىلعا جوسپارلانعان. ال وتىرار اۋدانىندا «پرومونديس» جشس قۋاتى 35 مۆت كۇن ەلەكتر ستانساسىنىڭ جوبالاۋ قۇجاتتارى ازىرلەنىپ, مەملەكەتتىك ساراپتامانىڭ وڭ قورىتىندىسى الىنعان بولاتىن. 100 گەكتار جەر تەلىمى بولىنگەن جوبانى كەزەڭ-كەزەڭىمەن ىسكە اسىرۋ كوزدەلۋدە.
عالىمجان ەلشىباي,
«ەگەمەن قازاقستان»
