انىقتالعان مامىلەتكە سەنسەك, «شىعاسىعا يەسى باسشى» بولعان. قىز تانىس جىگىتىن ۇيىنە شاقىرادى. بويجەتكەن قوناعىن كۇتۋدىڭ قامىمەن جۇرگەندە ەركىنسىگەن جىگىت ونىڭ پالتوسىن ءتىنتىپ, 5 مىڭ دوللاردى قالتاسىنا باسىپ الادى. قۇنىعىپ كەتكەن جىگىت مۇنىمەن توقتاماي قول سۇمكەسىنەن 25 مىڭ تەڭگە الىپ, تايىپ تۇرادى.
بۇگىندە قىلمىستىق ءىس تولىق اياقتالدى.
«ايىپتالۋشى ءوزىنىڭ كىناسىن تولىعىمەن مويىندادى. جابىرلەنۋشىگە كەلتىرگەن شىعىندى تولىق وتەگەنىن جانە كەشىرىم العانىن جەتكىزدى. وسىعان بايلانىستى قر قىلمىستىق كودەكسىنىڭ 63-بابىنا سايكەس 4 جىل باس بوستاندىعىنان ايىرۋ جازاسى شارتتى دەپ سانالدى. وعان سىناق مەرزىمى تاعايىندالدى»,- دەيدى قىزىلوردا قالاسى №2 سوتىنىڭ سۋدياسى اڭسات سۇلتانبەكوۆ.
كەشىرىم العان جىگىت اتقارۋشى ورگاندار بەلگىلەنگەن جەردە 100 ساعات ءماجبۇرلى جۇمىس ىستەۋگە مىندەتتى. جۇمىسقا بارۋعا باس تارتسا قىلمىستىق جازاعا قايتا تارتىلادى.
