ونەر ۇجىمى سولتۇستىكقازاقستاندىق كورەرمەندەرگە «دجازدا تەك قانا قىزدار», «حانىمنىڭ قىلىقتارى», «ترۋففالدينو», تاعى باسقا قويىلىمداردى تارتۋ ەتتى. سونىمەن قاتار بالالارعا ارنالعان مۋزىكالىق ەرتەگىلەر دە ۇسىنىلدى.
قاراعاندى اكادەميالىق مۋزىكالىق كومەديا تەاترى– ەلىمىزدەگى ميۋزيكل جانە وپەرەتتا جانرىندا قويىلىم قوياتىن بىردەن-ءبىر ۇجىم. 40 جىلدان استام تاريحى بار ونەر ورداسىنىڭ رەپەرتۋارىندا 300-دەن اسا شىعارما بار. وڭىرگە گاسترولمەن حور, بالەت, وركەستر, جەكە ورىنداۋشىلار كەلدى. ميۋزيكلدەرمەن قوسا كىشكەنتاي كورەرمەندەر كۇلبيكە مەن اللادين ەرتەگىلەرىن قىزىعا تاماشالادى.
«ترۋففالدينو» رەسەيدە دە قويىلىپ, مۋزىكالىق سىنشىلار مەن كورەرمەندەر تاراپىنان لايىقتى باعاسىن العان بولاتىن. بۇگىنگى قويىلىم كوز جاۋىن الار كەرەمەت كوستيۋمدەرمەن, ولەڭ جولدارىمەن استاسقان اۋەندەرمەن, بي قيمىلدارىمەن ەرەكشەلەندى», دەيدى قاراعاندى اكادەميالىق مۋزىكالىق كومەديا تەاترىنىڭ ديرەكتورى امانتاي ىبىراەۆ.
«كارلو گولدونيدىڭ وشپەس مۇرالارىنىڭ بىرەگەيى سانالاتىن ترۋففالدينو» ميۋزيكلى «ەكى مىرزاعا — ءبىر قىزمەتشى» اتتى پەساسى نەگىزىندە ساحنالاندى. كلاسسيكالىق تۋىندىدا دا قوس قوجايىنعا ءبىر ۋاقىتتا قىزمەت ەتكەن ترۋففالدينو ەسىمدى قىزمەتشى ايلاسىن اسىرىپ, تابىس كوزىن مولايتپاق بولادى. ەكى جاقتان جالاقى الۋدى كوزدەگەن ونىڭ اڭعالدىعى مەن ادالدىعى, ءوز يەلەرىنە دەگەن قۇرمەتى شەك-سىلەنى قاتىرادى. ادامداردىڭ قوعامداعى شىنايى بەينەسى, كۇندەلىكتى ءومىرى, مىنەز قۇلقى شىعارمانىڭ باستى تاقىرىبى دەسە دە بولادى. سول داۋىردەگى ۆەنەتسيا ءستيلى بارىنشا ساقتالعانى بايقالادى.
ارتىستەردىڭ ايتۋىنشا ءار قويىلىمدى كورەرمەندەر ىستىق ىقىلاسپەن قابىلداعان.
ءومىر ەسقالي
«ەگەمەن قازاقستان»
سولتۇستىك قازاقستان وبلىسى
