اتالعان كورمە وقۋشىلارعا عىلىمي-تەحنيكالىق شىعارماشىلىقتى ناسيحاتتاۋ, جاستار اراسىندا ينجەنەرلىك ماماندىقتاردىڭ دارەجەسىن كوتەرۋ, جاس ونەرتاپقىشتاردىڭ روبوت تەحنيكاسىنا قىزىعۋشىلىعىن ارتتىرۋ ماقساتىندا ۇيىمداستىرىلدى. كورمەگە دارىندى قىز جانە ەر بالالارعا ارنالعان مامانداندىرىلعان ء«بىلىم-يننوۆاتسيا» مەكتەپ-ينتەرناتتارى, «دارىن» مەكتەپ-ينتەرناتى, ءۇش تىلدە وقىتاتىن مامانداندىرىلعان دارىندى بالالارعا ارنالعان مەكتەپ وقۋشىلارىنىڭ, سونداي-اق جامبىل ەكونوميكا جانە اقپاراتتىق تەحنولوگيا كوللەدجى ستۋدەنتتەرىنىڭ 15-تەن استام روبوت-تەحنيكا مودەلدەرى قويىلىپ, كەلۋشىلەردىڭ قىزىعۋشىلىعىن تۋدىردى.
جامبىل وبلىستىق ءبىلىم باسقارماسىنىڭ باسشىسى راحيا تۇرماحانبەتوۆانىڭ ايتۋىنشا, وبلىس كولەمىندە 30 پايىز مەكتەپتى روبوت-تەحنيكامەن قامتاماسىز ەتۋ جوسپارلانىپ, بۇل ماقساتقا 353 ميلليون تەڭگە قاراستىرىلىپ وتىر ەكەن. سونداي-اق الداعى ۋاقىتتاردا وڭىردە روبوت تەحنيكاسىمەن جابدىقتالعان مەكتەپتەردە «روبوت-تەحنيكا» ۇيىرمەسىن اشۋ جوسپارلانۋدا. جوسپار جۇزەگە اسقان جاعدايدا, عىلىمعا قۇشتار وقۋشىلار ۇيىرمە ارقىلى شىعارماشىلىق قابىلەتىن دامىتاتىن بولادى. مەكتەپ قابىرعاسىنان-اق روبوت-تەحنيكا شەڭبەرىندە باعدارلامالاۋدىڭ جالپى نەگىزدەرىن ۇيرەنىپ, وزدەرىنىڭ ينجەنەرلىك جانە ديزايندىق ويلاۋ جۇيەسىن قالىپتاستىرعان وقۋشىلار بولاشاقتا وتاندىق عىلىمدى دامىتۋعا دا ايرىقشا ۇلەس قوسا الادى.
حاميت ەسامان,
«ەگەمەن قازاقستان»
جامبىل وبلىسى
