گ.ابدىقالىقوۆا مەملەكەت باسشىسىنىڭ «قازىرگى زاماناۋي جاھاندىق جاعدايدا ۇلتتىق بىرلىك دەگەنىمىز – الەۋمەتتىك بىرلىك, ال قالىپتاسقان مەملەكەت دەگەنىمىز – الەۋمەتتىك مەملەكەت», دەگەن سوزدەرىن اتاپ ءوتتى.
«پرەزيدەنتتىڭ بەس الەۋمەتتىك باستاماسى» قوعامدى كەشەندى تۇردە الەۋمەتتىك جاڭعىرتۋدىڭ درايۆەرىنە اينالۋعا ءتيىس. ولار ساياسي, ەكونوميكالىق جانە رۋحاني سالالارداعى اۋقىمدى رەفورمالار الگوريتمىن جالعاستىرا وتىرىپ, تۇيىندەيتىن بولادى. الەۋمەتتىك بىرلىكتى تۇعىر ەتكەن ۇلتتىق بىرەگەيلىكتى نىعايتۋ ماسەلەلەرى ءاردايىم قازاقستان حالقى اسسامبلەياسىنىڭ باستى نازارىندا بولۋعا ءتيىس», دەدى مەملەكەتتىك حاتشى.
گ.ابدىقالىقوۆا كەلتىرگەن دەرەكتەرگە سۇيەنسەك, 2017 جىلى قحا قوعامدىق سانانى جاڭعىرتۋ جوبالارى بويىنشا 20 رەسپۋبليكالىق جانە 395 وڭىرلىك ءىس-شارا ۇيىمداستىرعان. ەكى مىڭنان استام قايىرىمدىلىق ءىس-شارا وتكىزىلىپ, كوپ بالالى جانە تابىسى تومەن 60 مىڭعا جۋىق وتباسىنا, 8 مىڭعا جۋىق ءتۇرلى ۇيىمدارعا كومەك كورسەتىلگەن.
«تاۋەلسىزدىك العالى بەرى ادام كاپيتالىن دامىتۋعا قولايلى جاعداي جاساۋ مەملەكەتتىڭ نەگىزگى ستراتەگيالىق مىندەتى بولىپ سانالادى. وسى ۋاقىت ارالىعىندا كوپتەگەن جۇمىستار اتقارىلدى. ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋىندا حالىقتىڭ تۇرمىسىن جاقسارتۋعا ارنالعان ون ناقتى مىندەت ايقىندالدى», دەدى گ.ابدىقالىقوۆا.
مەملەكەتتىك حاتشى قازاقستان ەكى مارتە جاھاندىق داعدارىستى باستان وتكەرگەنىنە قاراماستان, بيۋدجەتتىك سالاداعى قىزمەتكەرلەردىڭ جالاقىسى تۇراقتى تولەنىپ وتىرعانىن اتاپ ءوتتى. ونىڭ سوزىنە قاراعاندا, 2007 جىلدان بەرى الەۋمەتتىك سالاعا بولىنگەن قارجى بەس ەسەگە ۇلعايعان.
سونىمەن قاتار گ.ابدىقالىقوۆا قحا-نىڭ «رۋحاني جاڭعىرۋ» باعدارلاماسىن جۇزەگە اسىرۋداعى رولىنە توقتالدى. مەملەكەتتىك حاتشىنىڭ كەلتىرگەن دەرەكتەرىنە سۇيەنسەك, بىلتىر ەلىمىزدە اسسامبلەيانىڭ قولداۋىمەن كوپتەگەن شارالار وتكەن. سونداي-اق قحا-نىڭ «قازاقستاننىڭ 100 جاڭا ەسىمى» جوباسىنا دا بەلسەندى قاتىسقانىن اتاپ ءوتتى.
«الماتى وبلىستىق قحا «رۋحاني جاڭعىرۋ» جوباسى اياسىندا ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىمەن بىرگە «رۋحى بەكەم, كيەلى مەكەن – جەتىسۋ» اتتى عىلىمي-تانىمدىق ەكسپەديتسيا ۇيىمداستىردى. ناتيجەسىندە كيەلى مەكەندەرگە بارۋ باعدارى قۇرىلدى. تۋريستىك باعدارلار بويىنشا سكرەتچ-كارتا ازىرلەنىپ, 255 ناۆيگاتسيالىق باعىتتاما ورناتىلدى. بۇل قحا-نىڭ «كيەلى قازاقستان» جوباسىنا قوسقان شىنايى ۇلەسى», دەدى مەملەكەتتىك حاتشى.
وتىرىس بارىسىندا گ.ابدىقالىقوۆا قۇرمەتتى اتاققا يە بولعان رەسەيلىك كورنەكتى ساياسي جانە قوعام قايراتكەرى رۋسلان اۋشەۆتى, گەرمانيانىڭ مەملەكەت جانە قوعام قايراتكەرى گەنريح تسەرتيكتى قۇتتىقتاپ, ولارعا قحا دوستىق ەلشىسىنىڭ پاتەنتىن تاپسىردى.
اباي اسانكەلدى ۇلى,
سۋرەتتى تۇسىرگەن ورىنباي بالمۇرات,
«ەگەمەن قازاقستان»
