«پرەزيدەنتتىڭ بەس الەۋمەتتىك باستاماسىن» قولداۋدى كوزدەگەن باسقوسۋعا وڭىرلەردەگى ارداگەرلەر كەڭەسىنىڭ باسشىلارى, قوعام قايراتكەرلەرى مەن ۇكىمەتتىك ەمەس ۇيىمداردىڭ وكىلدەرى قاتىستى. جيىندى جۇرگىزگەن «ارداگەرلەر ۇيىمى» ورتالىق كەڭەسىنىڭ توراعاسى باقتىقوجا ىزمۇحامبەتوۆ ەڭ الدىمەن ەلباسى ۇندەۋىن قولداعان ارداگەرلەردىڭ حاتىن وقىدى.
«بەس الەۋمەتتىك باستاما» – ەلىمىزگە جاڭا سەرپىن بەرەتىن اۋقىمدى قادام. وندا كوتەرىلگەن ماسەلەلەر ۇرپاعىمىزعا جارقىن بولاشاق, تىنىش ءومىر سىيلاۋعا باعىتتالعان. پرەزيدەنت ۇندەۋى ارداگەرلەر تاراپىنان دا قولداۋ تابۋدا. وعان وڭىرلەردەگى ارداگەرلەر كەڭەسىنەن ورتالىق كەڭەس اپپاراتىنا كەلىپ تۇسكەن حاتتار دالەل», دەدى ب.ىزمۇحامبەتوۆ.
باسقوسۋدا ءسوز العان شىعىس قازاقستان وبلىسى ارداگەرلەر كەڭەسىنىڭ توراعاسى ايتقازى سەيىت ۇلى اقساقالداردىڭ باستاماسىمەن «رۋحاني جاڭعىرۋ» باعدارلاماسى بويىنشا وڭىردە جاسالىپ جاتقان يگى ىستەرگە توقتالىپ, ەندىگى مىندەت ۇندەۋگە بەلسەنە ءۇن قوسۋ ەكەنىن جەتكىزدى. ء«بىز شقو ارداگەرلەرى پرەزيدەنت باستاماسىن قازاقستاننىڭ الەۋمەتتىك مەملەكەت رەتىندەگى كونستيتۋتسيالىق نورمالارىن جاڭا مازمۇنمەن بايىتقان اسا ماڭىزدى ساياسي قۇجات دەپ باعالايمىز. بۇل – بارلىق قازاقستاندىقتارعا, سونىڭ ىشىندە ەل بولاشاعى جاستارعا قامقورلىق كورسەتۋ جولىنداعى ناقتى ىستەر باعدارلاماسى», دەدى ول.
«ارداگەرلەر ۇيىمى» ورتالىق كەڭەسى جانىندا مەملەكەت جانە قوعام قايراتكەرلەرىنەن قۇرىلعان جۇمىس توپتارى وڭىرلەردە پرەزيدەنتتىڭ «رۋحاني جاڭعىرۋ» باعدارلاماسى مەن ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋىن ەل اراسىندا ناسيحاتتاپ, ءوز تاجىريبەلەرىمەن ءبولىسىپ, بەلسەندى تۇردە اتسالىسىپ كەلە جاتقانىن ايتقان باقتىقوجا ىزمۇحامبەتوۆ «بەس الەۋمەتتىك باستامانى» دا ءتۇسىندىرۋ جۇمىسى باستالعانىن جەتكىزدى. «ورتالىق كەڭەس اپپاراتىنىڭ ۇيىمداستىرۋىمەن بارلىق وبلىستارداعى بەلسەندى ارداگەرلەر وڭىرلەردى ارالاپ پرەزيدەنتتىڭ بەس الەۋمەتتىك باستاماسىن ءتۇسىندىرۋ جۇمىستارىن باستاپ كەتتى. ولار ۇندەۋگە ساي باسپانا الۋدىڭ جاڭا مۇمكىندىكتەرى, جالاقىسى تومەن جۇمىسشىلاردىڭ سالىق جۇكتەمەسىن ازايتۋ, جوعارى ءبىلىم الۋدىڭ مۇمكىندىگى مەن ساپاسىن ارتتىرۋ, شاعىن نەسيە بەرۋدى كوبەيتۋ, ەلدى گازبەن قامتاماسىز ەتۋ ماسەلەلەرىن تۇرعىندارعا جەتكىزۋدە», دەدى ارداگەرلەر ۇيىمىنىڭ باسشىسى.
پلەنۋم سوڭىندا «ارداگەرلەر ۇيىمىنىڭ» «پرەزيدەنتتىڭ بەس الەۋمەتتىك باستاماسىن» حالىق اراسىندا ءتۇسىندىرۋ جۇمىستارىن جالعاستىرۋ جانە ەلباسى باستاماسىنىڭ ءتيىمدى جانە تولىق جۇزەگە اسىرىلۋىن قاداعالاۋعا ارنالعان قاۋلىسى قابىلداندى. سونداي-اق ايماقتاعى بەلسەندى ارداگەرلەر ارنايى سىيلىقتارمەن ماراپاتتالدى. اتاپ ايتقاندا, قىزىلوردا وبلىسى قازالى اۋداندىق ارداگەرلەر كەڭەسىنىڭ توراعاسى ورازعالي بەكبانوۆقا «ارداگەرلەر ۇيىمى» رەسپۋبليكالىق قوعامدىق بىرلەستىگى ورتالىق كەڭەسىنىڭ قۇرمەت كىتابىنا ەنگىزىلگەنى تۋرالى كۋالىك تابىستالسا, ورتالىق كەڭەستىڭ تۇراقتى كوميسسياسىنىڭ توراعاسى, گەنەرال-مايور مارات ناعمانوۆقا «قۇرمەت» توسبەلگىسى بەرىلدى. پاۆلودار وبلىستىق ارداگەرلەر كەڭەسىنىڭ تورالقا مۇشەسى كەنجە كەڭەسباەۆ, ورتالىق كەڭەس تورالقاسىنىڭ مۇشەسى, عىلىم دوكتورى بەكەت تۇرعاراەۆ «قۇرمەت» گراموتاسىمەن ماراپاتتالدى. وسى سياقتى وڭىردەگى 126 اقساقال ارنايى سىيلىقتارعا يە بولدى.
مايگۇل سۇلتان,
«ەگەمەن قازاقستان»
سۋرەتتى تۇسىرگەن باقىتجان تەڭىزباەۆ
