سالتاناتتى ءراسىم ۇستىندە اۋدان اكىمى نيقانباي ومارحانوۆ نۇرا اۋدانىنىڭ 90 جىلدىق مەرەيتويى قارساڭىندا 88 پاتەردىڭ كىلتى تۇرعىندارعا تاپسىرىلاتىنىن ايتتى. اۋدان اكىمى مۇنىڭ ءوزى ەلباسىنىڭ «پرەزيدەنتتىڭ بەس الەۋمەتتىك باستاماسىندا» ايتىلعان مىندەتتەردىڭ نۇرا جەرىندە جۇزەگە اسا باستاعانىنىڭ جارقىن كورىنىسى ەكەندىگىن اتاپ ءوتتى.
بولاشاقتا قۇرىلىس الاڭىنا اينالاتىن جەرگە قادا قاعىلعاننان كەيىن اۋىل اقساقالى يساي قاجى قايبولدا اق باتاسىن بەردى. قۇرىلىستى جۇرگىزەتىن «نۇر ينۆەست گرۋپپ» سەرىكتەستىگى مەن «كازدورسترويتەح» فيرماسىنىڭ باسشىلارىنا اقساقالدار قاۋىمى ساتتىلىك تىلەپ, سەنىم ءبىلدىردى.
– «نۇرلى جەر» باعدارلاماسى اياسىندا قاراعاندى وبلىسى بويىنشا 332 پاتەر سالىناتىن بولسا, ونىڭ 40 پاتەرى نۇرا اۋدانىنا تيەسىلى. جالپى كولەمى 3314 شارشى مەتر اۋماققا تۇرعىزىلاتىن بۇل ۇيلەرگە رەسپۋبليكالىق جانە وبلىستىق بيۋدجەتتەن 481 ملن تەڭگە جانە ونىڭ ينفراقۇرىلىمىن سالۋعا 37 ملن تەڭگە قاراجات بولىنگەن, – دەدى قاراعاندى وبلىسىنىڭ ساۋلەت جانە قالا قۇرىلىسى باسقارماسىنىڭ ءبولىم باسشىسى اسحات ماكەنباەۆ.
بۇگىندە نۇرا اۋدانىنىڭ ورتالىعى كورەر كوزگە كوركەيىپ, وركەندەپ كەلەدى. تۇرعىنداردىڭ جاعدايىن جاقسارتۋ ماقساتىندا اۋدان بويىنشا 50 شاقىرىمنان استام ديودتى شامدار جەلىسى ورناتىلعان. مۇنىڭ ءوزى ەلەكتر قۋاتىن ۇنەمدەۋگە زور سەپتىگىن تيگىزەدى. سونىمەن قاتار اۆتوموبيل جولدارى جوندەلىپ, اۋىز سۋ پروبلەماسىن وڭ شەشۋدىڭ دە جولى تابىلعان.
قايرات ءابىلدا,
«ەگەمەن قازاقستان»
قاراعاندى وبلىسى,
نۇرا اۋدانى
