فورۋم الماتىنىڭ باس جوسپارىنىڭ, ياعني قالالىق ورتانى دامىتۋدى قامتيتىن قالانىڭ جاڭا قۇرىلىمدىق-فۋنكتسيالىق ۇلگىسىنىڭ شەڭبەرىندە قالانى دامىتۋدىڭ كوكەيكەستى ورتاق كورىنىسىن قالىپتاستىرۋ ءۇشىن مەملەكەتتىك قۇرىلىمدار مەن قالالىقتاردىڭ سۇحبات الاڭى رەتىندە وتكىزىلدى.
وسى ءىس-شارا بارىسىندا ء«بىز الماتى» جوبالار بايقاۋىنىڭ جەڭىمپازدارى جاريالاندى. كونكۋرس 2017 جىلعى قاراشادا الماتى قالاسىن ورنىقتى دامىتۋعا ارنالعان الەۋمەتتىك جانە ەكونوميكالىق جوبالارعا باستاماشى بولۋعا جانە ىسكە اسىرۋعا قالا تۇرعىندارىن تارتۋ ماقساتىندا جاريالانعان بولاتىن. بايقاۋعا 130-دەن استام ءوتىنىم ءتۇستى. جەڭىمپازداردىڭ ارقايسىسى ءوز جوبالارىن ىسكە اسىرۋ ءۇشىن ەۋروپالىق وداقتان 5 مىڭ ەۋروعا دەيىن الدى.
ەۋروپالىق وداقتىڭ قازاقستانداعى وكىلدىگىنىڭ باسشىسى ترايان حريستەا مىرزا جەڭىمپازدارعا ماراپاتتى تاپسىرا وتىرىپ, «ەۋروپالىق وداق قوعامدىق ۇيىمداردىڭ دا, سونداي-اق جەرگىلىكتى بيلىكتىڭ دە جۇمىسىنىڭ ماڭىزدىلىعىن ارقاشان باعالاپ, ولارعا كوكەيگە قوناتىن قولداۋ كورسەتىپ كەلە جاتقانى اتادى. مۇنىڭ سەبەبى – دامۋ بويىنشا ورتالىقتاندىرىلعان اكىمشىلىك باعدارلامالارى مەن ساياساتى تۇراقتى دامۋدىڭ بارلىق كۇردەلى ماسەلەلەرىن ءوز بەتىنشە شەشە المايدى. سونداي-اق قوعامدىق ۇيىمدار مەن جەرگىلىكتى بيلىك ورگاندارىنىڭ وزدەرى دە دامۋ ۇدەرىسىندە ماڭىزدى ءرول اتقارادى. ويتكەنى ولار كەز كەلگەن دەموكراتيانىڭ ەلەۋلى ءارى اجىراماس بولىگى بولىپ تابىلادى.
ءوز كەزەگىندە ء«بىز الماتى» جوباسى بەس ينستيتۋتسيونالدىق رەفورمانى ىسكە اسىرۋ جونىندەگى «100 ناقتى قادام» ۇلتتىق جوسپارىمەن تىعىز بايلانىستى. سەبەبى 97 قادام ء«وزىن-ءوزى رەتتەۋ مەن جەرگىلىكتى ءوزىن-ءوزى باسقارۋدى دامىتۋ ارقىلى ازاماتتاردىڭ شەشىمدەر قابىلداۋ ۇدەرىسىنە قاتىسۋ مۇمكىندىگىن كەڭەيتۋدى» كوزدەيدى.
فورۋمعا قاتىسۋشىلار باس جوسپاردى جاقسارتۋ بويىنشا يدەيالارىن ءبولىستى جانە الماتىنى حالىقتىڭ ءتۇرلى توپتارى, سونىڭ ىشىندە, ارباداعى كىشكەنتاي بالالارى بار انالار, كەمتار جاندار, ۆەلوسيپەدشىلەر, قارت ادامدار مەن ستۋدەنتتەر ءۇشىن قالاي ىڭعايلى ءارى قولايلى ەتۋگە بولاتىنى جونىندە ۇسىنىستارىن بەردى. جەرگىلىكتى بيلىك ورگاندارىنىڭ وكىلدەرى ازىرلەنىپ جاتقان باس جوسپاردىڭ تۇجىرىمىنىڭ نەگىزگى قىرلارى تۋرالى جانە وسى باعىتتاعى كەلەشەك جۇمىس جوسپارلارى تۋرالى باياندادى.
ايناش ەسالي,
«ەگەمەن قازاقستان».
الماتى
