مۇنداي سەرتيفيكاتتارعا يە بولۋ – SANTO كومپانياسىنداعى ساپانى قامتاماسىز ەتۋ جۇيەسىنىڭ جانە ءوندىرىس جاعدايلارىنىڭ جوعارى ستاندارتتارعا جاۋاپ بەرەتىندىگىنىڭ ايعاعى. ال بۇل ءوندىرىلىپ جاتقان پرەپاراتتاردىڭ ساپاسىنا كەپىلدىك بەرەدى.
ەستەرىڭىزگە سالساق, GMP ستاندارتى (Good Manufacturing Practice) ءدارى-دارمەك وندىرىسىنە, ساپانى باقىلاۋعا, قۇجاتنامانى جۇرگىزۋگە, سونداي-اق, قىزمەتكەرلەر قۇرامىنا, بولمە-جايلار مەن جابدىققا ارناپ جالپى تالاپتاردى بەلگىلەيدى. GDP (Good Distribution Practice) – شيكىزاتتى وندىرىستىك كاسىپورىندارعا جەتكىزۋدەن باستاپ, دايىن ءونىمدى اقىرعى قولدانۋشىلارعا جونەلتۋگە دەيىنگى جەتكىزىلىمنىڭ بۇكىل تىزبەگىندە دارىلىك زاتتار اينالىمىمەن اينالىساتىن قويماجايلاردىڭ جانە كوتەرمە ساۋدا بازالارىنىڭ ساپاسىن قامتاماسىز ەتۋگە ارنالعان جۇيە.
– كومپانيامىزدىڭ كەزەكتى ءبىر جەتىستىگىن, اتاپ ايتقاندا, وندىرىستىك الاڭدارىمىزعا, سونىڭ ىشىندە قاتتى پەرورالدى دارىلىك زاتتاردى وندىرەتىن جاڭا تسەح پەن ءدارىحانا قويمامىزعا ارناپ سەرتيفيكات العانىمىزدى ماقتان تۇتامىن, – دەدى SANTO كومپانياسىنىڭ باس ديرەكتورى يجي ۋربانەتس. – بۇل – البەتتە, جۇدىرىقتاي جۇمىلعان ۇجىم جۇمىسىنىڭ جەمىسى. سونداي-اق, بۇل – ناۋقاستار ساپالى ءارى ءتيىمدى ەمگە قول جەتكىزە الۋى ءۇشىن ءبىز قولدان كەلگەننىڭ ءبارىن جاساپ جاتقاندىعىمىزدىڭ ايقىن دالەلى. كومپانيا ۇسىنىپ وتىرعان پرەپاراتتار بۇگىنگى كۇنى كارديولوگيا, گاستروەنتەرولوگيا, اللەرگولوگيا, دەرماتولوگيا, نەۆرولوگيا, گينەكولوگيا, ۋرولوگيا, پەدياتريا, وفتالمولوگيا, پۋلمونولوگيا, وتورينولارينگولوگيا سىندى سان الۋان سالالاردا كەڭىنەن قولدانىلىپ وتىر. سونداي-اق, ءبىز انتيبيوتيكتەردى دە وندىرەمىز. ءبىز ءوز ەلىمىزدى سۇيەمىز, ءاربىر قازاقستاندىقتىڭ ساۋلىعى – ءبىزدىڭ باستى قامىمىز!
ء«بىزدىڭ كومپانيانىڭ جاڭا سەرتيفيكاتتارعا يە بولعاندىعى تۋرالى حاباردى زور قۋانىشپەن وقىدىم. ءبىز 6 جىلدان اسا ۋاقىتتان بەرى شىمكەنتتەگى زاۋىتتى جاڭعىرتۋعا زور ءمان بەرىپ كەلەمىز. ءبىز ءوندىرىس ينفراقۇرىلىمى مەن جابدىعىنا, بارىنەن بۇرىن, قىزمەتكەرلەردى الەمدىك دارەجەدەگى ستاندارتتارعا سايكەس وقىتۋعا ۇلكەن ينۆەستيتسيا قۇيدىق. SANTO زاۋىتى ورتالىق ازياداعى ەڭ زاماناۋي زاۋىتقا اينالۋى ءۇشىن كەزەكتى ءبىر نىق قادامىن باسىپ وتىر. بۇل سەرتيفيكاتتار – SANTO ۇجىمىنىڭ ءوز ىسىنە شىن بەرىلىپ, ەڭ جوعارى ستاندارتتارعا سايكەس جۇمىس جاساي بىلەتىندىگىنىڭ, تەرەڭ كاسىپقويلىعىنىڭ ايعاعى. SANTO كومپانياسىنىڭ قازاقستانداعى ناۋقاستارعا تيگىزىپ وتىرعان زور پايداسىن جانە دە جالپى Polpharma كومپانياسىنىڭ دامۋىنا قوسىپ وتىرعان ەرەن ۇلەسىن ءبىز ەرەكشە ماقتان تۇتامىز», – دەپ اتاپ ءوتتى Polpharma توبى باقىلاۋ كەڭەسىنىڭ توراعاسى ەجي ستاراك مىرزا.
ايناش ەسالي,
«ەگەمەن قازاقستان».
الماتى
