«بۇگىندە پوكروۆكا اۋىلى ماڭىنداعى سۋدىڭ دەڭگەيى 1108 سانتيمەتردى قۇراپ وتىر. تاسقىننىڭ بەتى قايتقانىمەن, قاۋىپ سەيىلەر ەمەس. دولماتوۆو ەلدى مەكەنىندە سۋدىڭ دەڭگەيى 1250-1300 سانتيمەترگەدەيىن جەتەدى دەپ كۇتىلۋدە. نوۆونيكولسكوە اۋىلىنا قاتىنايتىن كوپىردى سۋ باسىپ, تۇرعىندار اينالما جول ارقىلى قاتىناۋعا ءماجبۇر. سۋ بارىسىن باقىلاۋ ءۇشىن 6 بەكەت قۇرىلدى. ولارعا 200-دەن استام مامان تارتىلعان», دەيدى «قازگيدرومەت» رمك سقوف-نىڭ ديرەكتورى قىمبات مەرعاليموۆا.
وبلىستىق توتەنشە جاعدايلار دەپارتامەنتى باسشىسىنىڭ ورىنباسارى ەرىك سارىباەۆتىڭ ايتۋىنا قاراعاندا جەدەل توپتار ساقتىق شارالارىن كۇشەيتىپ, كەز كەلگەن قيىندىقتاردى ەڭسەرۋگە ءازىر. پەتروپاۆل تورابىنداعى سۋ دەڭگەيى 960 سانتيمەترگە دەيىن كوتەرىلگەن. الداعى كۇندەرى , بۇل كورسەتكىش 1060 سانتيمەترگە دەيىن جوعارىلايدى دەگەن بولجام بار. اسىرەسە شەتكەرى اۋماقتارداعى ساياجايلاردى قىزىل سۋ باسۋ قاۋپى باسىم. ونىڭ زاردابىن جىلداعىداي زەرەچنىي كەنتىنىڭ تۇرعىندارى دا كوبىرەك تارتادى. وسى جەردەگى تاسجولدىڭ ءبىر بولىگىن قىزىل سۋ شايىپ كەتكەن.
قالا سىرتىندا تۇرىپ جاتقان ادامدار قاۋىپسىز جەرلەرگە كوشىرىلەتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
