ونىڭ دا ءجونى بار. ويتكەنى قۇرىلعانىنا توعىز جىل ۋاقىت ىشىندە ادەمى ويىن ورنەگىن كورسەتىپ كەلە جاتقان كوماندالارى ءالى بىردە-ءبىر رەت ەل چەمپيونى اتانباپتى. تەك بيىل عانا كوماندانىڭ باعى جانىپ, بىرىنشىلىكتە العا وزدى. اتالعان كلۋب ديرەكتورى يگور گوركوۆتىڭ ايتۋىنشا, جانكۇيەرلەرمەن وسىلايشا كەزدەسۋلەر وتكىزىپ تۇرۋ قاجەت.
«ويىنداردا بىزگە قولداۋ كورسەتىپ كەلە جاتقان جانكۇيەرلەرمەن بايلانىس ورناتۋىمىز جانە ءوزارا تۇسىنىستىك تابۋىمىز كەرەك. مۇنداي كەزدەسۋلەر كوماندا ءومىرىنىڭ بولىنبەس ءبىر بولشەگى بولىپ تابىلادى», دەدى كلۋب ديرەكتورى. ورايى كەلگەندە ول وسىعان دەيىن كوماندا ەكى مارتە قولا, ءۇش رەت كۇمىس جانە ەندى بيىل عانا ەرلەر اراسىندا 2017-2018 جىلعى ماۋسىمداعى شايبالى حوككەيدەن قازاقستان چەمپيوناتىندا التىن مەدال تاققاندارىن ەرەكشە ماقتانىشپەن ايتتى. جانكۇيەرلەر وزدەرىنە وسىنداي جاقسى كوڭىل كۇي سىيلاعان سپورتشىلارىنا ريزاشىلىقتارىن ءبىلدىرىپ, ەستەلىك سۋرەتكە ءتۇسىپ, قولتاڭبا دا الىپ جاتتى.
اسقار تۇراپباي ۇلى,
«ەگەمەن قازاقستان»
اقمولا وبلىسى
