اتىراۋ وبلىسى قازاقستان حالقى اسسامبلەياسى جانە «قوعامدىق كەلىسىم» مەكەمەسى ۇيىمداستىرعان شارادا قحا عىلىمي-ساراپشىلىق توبىنىڭ مۇشەسى, تاريح عىلىمدارىنىڭ كانديداتى گۇلفايرۋز قايىرعاليەۆا قازاق تىلىنە اۋدارىلعان 18 عىلىمي وقۋلىقتىڭ ماڭىزدىلىعىن جان-جاقتى ءتۇسىندىردى.
شەتەلدەردە قىمباتقا باعالاناتىن وقۋلىقتارعا مەملەكەت باسشىسىنىڭ تاپسىرماسىمەن قازاقستاندىق ستۋدەنتتەر الداعى وقۋ جىلىنان باستاپ تەگىن قول جەتكىزە الادى. «الەمدىك دەڭگەيدەگى قۇندى قازىنامەن تانىسۋ جاستارعا سەرپىن سىيلارى انىق, دەيدى تاريح عىلىمدارىنىڭ كانديداتى گۇلفايرۋز قايىرعاليەۆا. – ادامزاتتىڭ دامۋ تاريحىن مەڭگەرىپ, دۇنيەتانىمىن كەڭەيتكىسى كەلەتىن ءار ستۋدەنت وسى كىتاپتاردى وقۋى كەرەك».
اتىراۋداعى نازارباەۆ زياتكەرلىك مەكتەبىندە دە شارا ءوتىپ, قازاقستان حالقى اسسامبلەياسىنىڭ وبلىستاعى حاتشىلىعىنىڭ باسشىسى گۇلميرا شاكىروۆا بايانداما جاسادى.
بالاماسى جوق باستامانىڭ ءمان-ماڭىزىن ءتۇسىندىرۋ باعىتىندا ايماقتا باسقا دا شارالار اتقارىلىپ جاتىر. بۇل جاڭالىققا ستۋدەنتتەر عانا ەمەس, مەكتەپ وقۋشىلارى دا قۋانىشتى. سولاردىڭ ءبىرى – قۋانىش جالعاسباەۆ. ول الەمگە ايگىلى شىعارمالاردىڭ قازاق تىلىنە تۇپنۇسقادان تىكەلەي اۋدارىلعانى ماڭىزدى ەكەنىن ايتادى. ء«بىلىم الامىن دەگەن جاستارعا كۇن سايىن جاڭا مۇمكىندىكتەر الەمى اشىلىپ جاتقانىن ءبىلۋ جانە سول ەلدىڭ ەرتەڭى بولۋ مەرەي ءارى جاۋاپكەرشىلىك», دەيدى وقۋشى.
باقىتگۇل باباش,
«ەگەمەن قازاقستان»
اتىراۋ
