ال بيىل قاراعاندى جانە شاحتينسك قالالارىندا وتكەن جاپپاي ديكتانت اكتسياسىندا 796 ادام باق سىنادى. ناتيجەسىندە 32 قاتىسۋشى ۇزدىك كورسەتكىشكە قول جەتكىزدى. بۇل – رەسپۋبليكا بويىنشا ەڭ جوعارى ناتيجە. ۇزدىكتەردى ماراپاتتاۋ سالتاناتى قاراعاندىدا 28 ءساۋىر كۇنى وتەدى.
ساۋات جارىسىندا ءماتىندى 29 ادام وقىدى. ولاردىڭ قاتارىندا فيلولوگ ساۋلە ىبىراەۆا, «ۆىبيراي» جۋرنالىنىڭ رەداكتورى تاتيانا گولۋبتسوۆا, پسيحولوگ اننا كوروبەينيكوۆا, فيلولوگ التىناي احمەتوۆا, ستەنداپ-كوميك رۋستام ابيلدين, مەرەكەلەر جۇرگىزۋشىسى پاۆەل گروموۆ, فيلولوگ نادەجدا اندرەەۆا, ءانشى الىبەك ساليكوۆ, سۋرەتشى قايرات كەي-كەي, «ASKAR» كينوفەستيۆالىنىڭ ءبىرىنشى لاۋرەاتى الەۆتينا التۋنينا, ديزاينەر يرينا نەچاەۆا, فيلولوگ نەليا يۋشكو, قممۋ قازاق ءتىلى كافەدراسىنىڭ مەڭگەرۋشىسى مارينا مارەتباەۆا, پروفەسسور, مەديتسينا عىلىمدارىنىڭ دوكتورى ۆيلەن مولوتوۆ-لۋچانسكي, راديو جانە تەلەديدار ديكتورى ۆلاديمير ريابتسەۆ, جۋرناليست جانە راديوجۇرگىزۋشى اننا ستروكوۆا بولدى.
سونىمەن قاتار ورىس ءتىلىن شەت ءتىلى رەتىندە وقىپ جاتقاندار ءۇشىن قۇرىلعان «TruD» تەستىن 11 ادام ۇزدىك باعاعا تاپسىردى.
ساۋاتتىلىقتى تەكسەرۋ بويىنشا حالىقارالىق اكتسيانىڭ ۇيلەستىرۋشىسى لاۋرا ءىلياسوۆا جاپپاي ديكتانتتى سونىمەن بىرگە اعىلشىن, قازاق تىلدەرىندە وتكىزۋدى ۇسىندى. «ەلىمىز ءۇش تىلدىلىك ساياساتىن ۇستاناتىندىقتان وسكەلەڭ ۇرپاق قازاق, ورىس جانە اعىلشىن تىلدەرىن ءبىلۋى قاجەت دەپ سانايمىن. مەنىڭ ويىمشا, كەلەسى جىلى ءبىلىم جانە عىلىم مينيسترلىگىنىڭ كومەگىمەن جانە استانا قالاسىنىڭ ءبىلىم باسقارماسىمەن بىرىگە وتىرىپ, ءبىز جاپپاي ديكتانتتى تەك ورىس تىلىندە عانا ەمەس, سونىمەن قاتار قازاق جانە اعىلشىن تىلدەرىندە وتكىزەمىز. بۇل يدەيا اسىرەسە مەكتەپ وقۋشىلارى مەن ستۋدەنتتەرى ءۇشىن قىزىقتى بولادى دەپ ويلايمىن», دەدى ول.
قايرات ءابىلدا,
«ەگەمەن قازاقستان»
قاراعاندى وبلىسى
