بۇل تۋرالى دەنە شىنىقتىرۋ جانە سپورت باسقارماسىنىڭ باسشىسى ازامات بەكەت مالىمدەدى. وبلىستىق باسقارما باسشىسىنىڭ ايتۋىنشا, وليمپيدا چەمپيونىنىڭ اتىراۋعا كەلۋى ۇلكەن مارتەبە.
-سوڭعى ۋاقىتتا ءبىزدىڭ وڭىردە سپورتپەن شۇعىلدانۋعا, جاۋىنگەرلىك ونەرگە كوپ كوڭىل بولىنۋدە. قىسقى سپورت تۇرلەرىنە دە نازار اۋداراتىن كەز كەلدى, اتاپ ايتقاندا اتىراۋ وبلىسىندا قارقىندى دامىپ جاتقان مانەرلەپ سىرعاناۋ سپورتىنا,- دەيدى ازامات بەكەت.
بۇگىنگى تاڭدا اتىراۋ وبلىسىندا مانەرلەپ سىرعاناۋمەن 3 جاستان 14 جاسقا دەيىنگى بالالار اينالىسۋدا – بارلىعى 58 ادام, كوپ بولىگى قىز بالالار. اتىراۋلىق مانەرلەپ سىرعاناۋشىلار رەسپۋبليكالىق تۋرنيرلەرمەن قاتار, حالىقارالىق تۋرنيرلەردىڭ جەڭىمپازدارى. دەنيس تەننىڭ اتىراۋعا كەلۋى جاس سپورتشىلاردىڭ جاڭا جەڭىستەرگە ۇمتىلۋىنا سەرپىن بولادى جانە اتىراۋ وبلىسىندا وسى قىسقى سپورت ءتۇرىنىڭ دامۋىنا سەپتىگىن تيگىزەدى.
مانەرلەپ سىرعاناۋدان وليمپيادا ويىندارىنىڭ چەمپيونى دەنيس تەن 27 ءساۋىر كۇنى 19.00-دە مۇز ايدىنى كەشەنىندە اتىراۋ قالاسىنىڭ تۇرعىندارى مەن قوناقتارىنا شەبەرلىك ساعاتىن وتكىزەدى.
