كەشە...

...“كوگىلدىر وتىن” اۋدان ورتالىعىنا جەتتى ەڭ شالعايداعى قىزىلقوعا اۋدانىنىڭ تۇرعىندارى ۇلكەن قۋانىشقا كەنەلۋدە. وسى كەزگە دەيىن مال تەزەگى مەن كومىر جا­عىپ, شەلەك-شەلەك كۇل شىعار­عان­دار ەندى تابيعي گازدىڭ قىزى­عىن كورەتىن بولدى. ولاي دەي­تى­نىمىز, كەشە اۋدان ورتالىعى – ميالى اۋىلىندا تابيعي گازدىڭ الاۋى جاندى. ميالىلىق تۇر­عىن­داردىڭ قۋانىشتى ءساتىن وبلىس اكىمى بەرگەي رىسقاليەۆ ارنايى كەلىپ ءبولىسىپ, گاز الاۋىن ءوز قولىمەن جاقتى. ال تۇر­عىن­دار اراسىنان تابيعي گاز قى­زىعىنا الدىمەن قوستان سابى­روۆتىڭ وتباسى كەنەلىپ وتىر. – تۇرمىسى تومەن, كوپ با­لا­لى ساناتىنداعى 1500-2000 وت­با­سىنا مەردىگەر مەكەمەلەر گازدى ۇيىنە دەيىن جەتكىزىپ بەرەدى, – دەدى ءوڭىر باسشىسى ب.رىسقا­ليەۆ اۋدان تۇرعىن­دارىمەن كەزدەسۋدە. جولداسبەك شوپەعۇل, اتىراۋ وبلىسى. ...زاڭدى بۇزعان شەنەۋنىكتەر جازالاندى وبلىستىق تارتىپتىك كەڭەستىڭ العاشقى ماجىلىسىندە ءبىر توپ شەنەۋنىكتىڭ ءتارتىبى تالقىلانىپ, ءتۇرلى جازالارعا تارتىلدى. جي­ىندى “نۇر وتان” حدپ وبلىس­تىق فيليالى توراعاسىنىڭ ءبىرىنشى ورىنباسارى حاميت بەكى­شەۆ جۇرگىزىپ وتىردى. اۋرۋحانانىڭ گاراجىن سەنىم­دى باسقارۋعا بەرۋ جونىندەگى زاڭ تالاپتارىن ورەسكەل بۇزعاندارى ءۇشىن وبلىستىق قارجى باسقار­ما­سى باستىعىنىڭ ورىنباسارى م.جاماليەۆ مىنبەگە شاقى­رىل­دى. تالقىلاۋ بارىسىندا كىنا­لا­رى مويىندارىنا قويىلىپ, وعان جانە ءبولىم باستىعى ي.پەر­شي­نا­عا سوگىس بەرۋ ۇسىنىلدى. ال جامبىل اۋداندىق وقۋ ءبولىمىنىڭ باستىعى ا.مويسەەنكونىڭ ءتار­تىپ­تىك كەڭەس تالقىسىنا ءتۇسۋى ءبىرىنشى ەمەس. بىلتىر بيۋدجەتتىڭ قارجىسىن ماقساتسىز جۇمساعانى ءۇشىن قىزارۋىنا تۋرا كەلگەن. بۇل جولى مەملەكەتتىك ساتىپ الۋ­دى جۇرگىزۋ جانە ۇيىم­داس­تىرۋ تالاپتارىن بۇرمالاعانى ءۇشىن جاۋاپقا تارتىلدى. ال, تايىنشا اۋدانى چەر­موش­نيان­سكوە اۋىلدىق ايماعى­نىڭ اكىمى ا.نەموشكالونىڭ “جول كارتاسى” باعدارلاماسى بويىن­شا بولىنگەن قاراجاتتى تالان-تاراجعا سالعانى انىق­تالدى. ول اكىمدىك اپپاراتىندا جۇمىس ىستەيتىن ماماننىڭ قىزىن قاعاز جۇزىندە جۇمىسقا قابىلداپ, ءۇش ايدىڭ جالاقىسىن قىزمەتتىك كولىكتى جوندەۋگە جۇمساعان. تارتىپتىك كەڭەس مۇشەلەرىنىڭ ونى قىزمەتىنەن بوساتۋ تۋرالى ۇسىنىسى ءبىراۋىزدان قابىل­داندى. ءومىر ەسقالي, سولتۇستىك قازاقستان وبلىسى. ...كورمە اشىلدى قاراعاندىداعى “ازيا” ساۋدا ورتالىعىندا “قازاقستان — فوتو كوزىمەن” كورمەسى اشىلدى. وندا وبلىسقا تانىمال 19 فوتوگراف­تىڭ ءار ءتۇرلى جانردا تۇسىرىلگەن سۋرەتتەرى قويىلعان. سونىڭ ءىشىن­دە يليا جيتنيكوۆ, ليۋد­مي­لا شاليموۆا, كسەنيا يۆانوۆا­لاردىڭ تابيعات كورىنىستەرى, ادامدار بەينەسى بەينەلەنگەن تۋىن­دىلارى كورەرمەندەر ىنتا­سىن اۋداردى. اتالعان ساۋدا ورتالىعى جەر­گىلىكتى فوتوگرافتاردىڭ كورمەسىن ۇيىمداستىرۋعا ارنايى بولمە ءبولىپ, دەمەۋشىلىك كومەك كور­سەت­تى. كورمە بىرنەشە كۇنگە سوزى­لادى. ايقىن نەسىپباي, قاراعاندى.