فوتو: istockphoto.com
Energy Institute پەن وپەك-ءتىڭ مالىمەتتەرىنە سۇيەنسەك, مۇناي قورى ەڭ كوپ 15 ەلدىڭ اراسىندا ۆەنەسۋەلا ابسوليۋت كوشباسشى (300 ملرد باررەلدەن اسادى). الايدا ءوندىرىس كولەمى ەڭ تومەن ەلدەردىڭ قاتارىندا تۇر. قاعاز جۇزىندە مۇناي 1 000 جىلدان استام ۋاقىتقا جەتۋى مۇمكىن, ال ءىس جۇزىندە ءبارىن ينۆەستيتسيا, تەحنولوگيا جانە ساياسات شەشەدى.
ساۋد ارابياسىندا سيرەك كەزدەسەتىن تەپە-تەڭدىك: وراسان زور قور مەن جوعارى ءوندىرىس قاتار جۇرەدى. وسى سەبەپتى ەل الەمدىك مۇناي نارىعىنىڭ نەگىزگى رەتتەۋشىلەرىنىڭ ءبىرى بولىپ قالا بەرەدى.
يران, يراك, ءباا, كۋۆەيت − مۇناي قورى مول مەملەكەتتەر. دەگەنمەن ارقايسىسى ءوز شەكتەۋلەرىمەن بەتپە-بەت كەلىپ وتىر: سانكتسيالار, ينفراقۇرىلىمنىڭ السىزدىگى, وپەك كۆوتالارى.
اقش-تا مۇناي قورى اسا كوپ ەمەس, بىراق ءوندىرىس كولەمى ماكسيمالدى دەڭگەيدە. قازىرگى قارقىنمەن ەسەپتەگەندە مۇناي شامامەن 7 جىلعا عانا جەتەدى. تاقتاتاس مۇناي مودەلى – جىلدام ءوندىرىس, بىراق قىسقا مەرزىمدى رەسۋرس.
رەسەيدىڭ قورى دا, ءوندىرىسى دە جوعارى. سوعان قاراماستان قازىرگى دەڭگەي ساقتالسا, رەسۋرستىق «قاۋىپسىزدىك جاستىعى» شامامەن 20 جىلعا جەتەدى.
قازاقستان قورى سالىستىرمالى تۇردە شاعىن بولعانىمەن, ءىرى جوبالاردىڭ (تەڭىز, قاشاعان, قاراشىعاناق) ارقاسىندا وڭىرلىك دەڭگەيدە ءارى وپەك+ اياسىندا ماڭىزدى ويىنشى سانالادى.
