فوتو: kazchess.kz
ب.اساۋباەۆا 13 پارتيادا 7,5 ۇپاي جيناپ, 4 رەت جەڭىسكە جەتتى, 7 ويىندى تەڭ اياقتاپ, 2 پارتيادا جەڭىلدى. وسى ناتيجە وعان ەلو رەيتينگىندە 19,1 ۇپاي قوسىپ, مانسابىنداعى ەڭ جارقىن كورسەتكىشتەردىڭ بىرىنە اينالدى. اسىرەسە ءتۋرنيردى بولاشاق چەمپيوندى جەڭۋدەن باستاپ, سوڭعى كەزەڭدە دە جوعارى دەڭگەيدە اياقتاۋى قازاقستان شاحماتشىسىنىڭ تۇراقتى ويىنىن ايقىن كورسەتتى.
ايتا كەتەيىك, ءبيبىسارا جارىستىڭ العاشقى تۋرىندا قارسىلاسىنان باسىم ءتۇستى. بۇل ونىڭ تۋرنير بويى كوشباسشىلارمەن تەڭ دارەجەدە كۇرەسە العانىن اڭعارتتى. بليتستەن 3 دۇركىن الەم چەمپيونىء ۇشىن بۇل تۋرنير الەم چەمپيوندىعىنا ۇمىتكەرلەر اراسىنداعى باسەكەگە دايىندىقتىڭ ماڭىزدى بولىگى ىسپەتتى, اتالعان تۋرنير 29 ناۋرىز − 15 ءساۋىر ارالىعىندا كيپردىڭ پافوس قالاسىندا وتەدى.
Tata Steel Challengers 2026 ءتۋرنيرىنىڭ جەڭىمپازى 15 جاستاعى امەريكالىق گروسسمەيستەر ەندي ۆۋدۆورد بولىپ, 10 ۇپاي جينادى. ەكىنشى ورىندى ۋكراينالىق ۆاسيلي يۆانچۋك (9,5 ۇپاي), ال ءۇشىنشى ورىندى ازەربايجاندىق ايدىن سۇلەيمانلى (9 ۇپاي) يەلەندى. تۋرنيرگە قاتىسۋشىلاردىڭ ورتاشا رەيتينگى 2544 ەلو ۇپايىن قۇراپ, جارىس XII كاتەگورياعا سايكەس كەلدى.
ۆەيك-ان-زەەدەگى بۇل ناتيجە ءبيبىسارا اساۋباەۆانىڭ تاجىريبەلى گروسسمەيستەرلەرمەن تەڭ دارەجەدە باسەكەگە تۇسە الاتىنىن تاعى ءبىر مارتە ايعاقتادى جانە الداعى ماۋسىمداعى ەڭ ماڭىزدى جارىستاردىڭ ءبىرى قارساڭىنداعى سپورتتىق بابىن ايقىن كورسەتەتىن ماڭىزدى كورسەتكىشكە اينالدى.
ەسكە سالايىق, بۇعان دەيىن ءبيبىسارا اساۋباەۆا بليتس شاحماتىنان ءۇشىنشى رەت الەم چەمپيونى اتانىپ, فينالدا ۋكراينالىق اننا مۋزىچۋكتى ۇتقان ەدى.
