23 قاڭتاردا جاعدايعا قاتىستى پىكىر بىلدىرگەن ازيا دزيۋدو وداعى پرەزيدەنتىنىڭ كەڭەسشىسى ءارى استانا قالالىق دزيۋدو فەدەراتسياسىنىڭ پرەزيدەنتى ايدار ماحمەتوۆ «ەشكىم ەشكىمدى ۇرعان جوق» دەپ مالىمدەدى.
كەيىن سەرىك ساپيەۆ قىزمەتتىك مىندەتىن اتقارۋ بارىسىندا مەملەكەتتىك قىزمەتشىنىڭ ادەپ نورمالارىن ۇستانعانىن اتاپ ءوتتى. وليمپيادا چەمپيونى تۇسىرگەن بەينە ۇندەۋىندە بولعان جايتتىڭ جەكە باسقا قاتىستى جانجال ەمەس ەكەنىن ايتقان بولاتىن. ونىڭ سوزىنشە, ورىنباسارى تاراپىنان ءوزىنىڭ تەكسەرۋىنسىز وبلىستاعى سپورت ۇيىمدارى باسشىلارىن زاڭسىز روتاتسيالاۋ ارەكەتى جاسالعان جانە ول «مۇنى بەيبىت جولمەن توقتاتۋعا تىرىسقان».
25 قاڭتاردا سەرىك ساپيەۆتىڭ مالىمدەمەلەرىنەن كەيىن قاراعاندى وبلىسىنىڭ دەنە شىنىقتىرۋ جانە سپورت باسقارماسىندا تەكسەرىس باستالعانى بەلگىلى بولدى. ال 26 قاڭتاردا ءوڭىر اكىمى ەرماعانبەت بولەكپاەۆ بۇل ماسەلەگە قاتىستى پىكىر ءبىلدىرىپ, اسىعىس باعا بەرمەۋگە جانە جەدەل قورىتىندى جاساماۋعا شاقىردى. سونداي-اق ول وقيعا بويىنشا تەرگەۋ ءجۇرىپ جاتقانىن حابارلادى.
سول كۇنى داۋرەن ەسىمحانوۆ تا مالىمدەمە جاساپ, الەۋمەتتىك جەلىلەر مەن بۇقارالىق اقپارات قۇرالدارىندا «وبەكتيۆتى شىندىقتى كورسەتپەيتىن اقپارات تاراپ جاتقانىن» ايتتى. ول جۇرتشىلىقتى ارانداتۋعا ەرمەۋگە شاقىردى.
بۇگىن قاراعاندى وبلىسىنىڭ دەنە شىنىقتىرۋ جانە سپورت باسقارماسىندا ۆەدومستۆو باسشىسى سەرىك ساپيەۆ پەن ونىڭ ورىنباسارى داۋرەن ەسىمحانوۆ ءوز ەركىمەن اتقارىپ وتىرعان لاۋازىمدارىنان بوساتىلدى.
