ءىس-شاراعا وقۋلىقتاردى قازاق تىلىنە اۋدارعان اۆتورلار, ەۋرازيالىق ينتەگراتسيا ينستيتۋتىنىڭ ساراپشىلارى, وقىتۋشى-پروفەسسورلار قۇرامى جانە دوكتورانتتار مەن ماگيسترانتتار قاتىستى.
دوڭگەلەك ۇستەل اياسىندا «رۋحاني جاڭعىرۋ»باعدارلاماسىنىڭ جۇزەگە اسىرىلۋ بارىسىنىڭ ءتۇرلى قىرلارى قاراستىرىلدى, بۇل رەتتە باسىمدىق مەملەكەت باسشىسى ن.ءا.نازارباەۆتىڭ «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق»جوباسىنىڭ تانىستىرىلىمىندا بەرگەن تاپسىرمالارىنا باسىمدىق بەرۋگە نازار اۋدارىلدى.
ل.ن.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى, فيلولوگيا عىلىمدارىنىڭ كانديداتى, ەۇۋ پروفەسسورى قايرات ساقوزىنىڭ كىرىسپە سوزىندە, «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ قوعامدىق سانانى جاڭعىرتۋ باعىتىنداعى جوعارى ءرولىن اتاپ ءوتتى. ول فاكۋلتەتتىڭ قازاق ءتىلىن لاتىن قارپىنە كوشىرۋگە جاعداي جاساۋعا باعىتتالعان عىلىمي-زەرتتەۋ جوبالارىنا ەرەكشە نازار اۋداردى جانە جاستارعا ارنالعان عىلىمي جوبالاۋ مۇمكىندىكتەرى تۋرالى ايتتى.
ەۋرازيالىق ينتەگراتسيا ينستيتۋتىنىڭ اتىنان ديرەكتوردىڭ ورىنباسارى ناتاليا كالاشنيكوۆا كىرىسپە ءسوز سويلەدى. بايانداماشى ينستيتۋت جۇرگىزگەن الەۋمەتتىك زەرتتەۋلەر كورسەتكەندەي, قازاقستاندىق قوعامدا مەملەكەت جۇرگىزەتىن جاڭعىرتۋ پروتسەستەرىن قولداۋ جوعارى دەڭگەيدە ەكەنىن اتاپ ءوتتى. سپيكەر ستۋدەنت جاستاردىڭ ۇلتتىق سانانى جاڭعىرتۋداعى ۇلەسى, «100 جاڭا وقۋلىق» جوباسىنىڭ وسكەلەڭ ۇرپاققا ءبىلىم بەرۋ ىسىندەگى ەرەكشە ءرولى تۋرالى ايتتى. سونداي-اق, پرەزيدەنتتىڭ ءبىلىم بەرۋ مەن عىلىم سالالارىنداعى «جالپىۇلتتىق وقىتۋ بەسجىلدىعىن جۇزەگە اسىرۋعا» مۇمكىندىك بەرەتىن ستراتەگياعا كوزقاراسى ەرەكشە اتاپ ءوتىلدى.
دوڭگەلەك ۇستەل بارىسىندا قاتىسۋشىلار مەملەكەت باسشىسىنا تانىستىرىلعان «قازاق تىلىندەگى 100 جاڭا وقۋلىق» جوباسى اياسىندا شىعارىلعان وقۋلىقتارمەن تولىق تانىسۋعا مۇمكىندىك الدى جانە وقۋلىقتىڭ اۋدارماسىنىڭ اۆتورى, كازگيۋ قازاق جانە ورىس تىلدەرى كافەدراسىنىڭ مەڭگەرۋشىسى, فيلولوگيا عىلىمدارىنىڭ كانديداتى, قاۋىمداستىرىلعان پروفەسسور ۇلان ورال ۇلى ەركىنباەۆپەن كەزدەستى, ول جاڭا باسىلىمدى اۋدارۋعا كىرىسكەن.
كەزدەسۋ بارىسىندا جاڭا وقۋلىقتارمەن ءبىلىم الاتىن ساياساتتانۋ كافەدراسى ماگيسترانتتارى مەن دوكتورانتتارى ءسوز سويلەدى.
