«بۇگىنگى تاڭدا «كاتەك» جشس جوبالىق ۇيىمىنا ماگيسترالدىق گاز قۇبىرىنىڭ ءوتۋ تراسساسى بويىنشا بارلىق رۇقسات قۇجاتتارى بەرىلدى. ەنەرگيا بەرۋشى كاسىپورىندارعا ماگيسترالدىق گاز قۇبىرىنىڭ جابدىقتارىن ەلەكترتاراتۋ جەلىسىنە قوسۋ بويىنشا تەحنيكالىق شارتتار بەرىلدى», - دەپ مالىمدەدى قايرات بەگىموۆ.
ايماقتا جوبانى ىسكە اسىرۋعا قاتىستى باسقا دا ماسەلەلەر شەشىلىپ جاتىر. 2020 جىلعا دەيىن وبلىستا ورتالىق جىلىتۋ جۇيەسى جوق كوشەلەر مەن ىقشاماۋدانداردى قوسىمشا قامتيتىن ءۇش اۆتوماتتاندىرىلعان گاز تاراتۋ ستانتسيالارىنان جەتكىزۋشى جانە ورامدىق جەلىلەردىڭ قۇرىلىسى جوسپارلانىپ وتىر. «قاراعاندى» اگتس-نان جالپى ەسەپتەگەندە 5,5 مىڭنان استام جەكە سەكتورلارداعى ۇيلەرى بار قاراعاندى مەن ساران قالالارىن گازبەن قامتۋ جوسپارلانىپ وتىر. تەمىرتاۋعا كەلەر بولساق, 3 مىڭ جەكە سەكتور ۇيلەرى ورتالىقتاندىرىلعان گازبەن قاماتاماسىز ەتىلەتىن بولادى. جەزقازعاندا 2,5 مىڭ جەكە ۇيلەردى گازبەن قامتاماسىز ەتۋ كوزدەلىپ وتىر», - دەپ ناقتىلادى باسقارما باسشىسى. ەسەپتەۋلەر بويىنشا, ءبىرىنشى كەزەكتە كوگىلدىر وتىندى وبلىستىڭ شامامەن 65 مىڭ تۇرعىنى جانە 1400 زاڭدى تۇلعالارى الادى. ءبىر جىلدىق تۇتىنۋ كولەمى 85 ملن م3 گازدى قۇرايدى.
ء«بىرىنشى كەزەڭدەگى تاراتۋ جەلىلەرى قۇرىلىسىنىڭ بولجامالى قۇنى - 21,4 ملرد تەڭگە. وبلىستىق بيۋدجەتتى ناقتىلاۋعا جسق دايىنداۋعا بيۋدجەتتىك ءوتىنىم بەرىلدى», - دەدى قايرات بەگىموۆ. «جسق دايىنداۋعا بايقاۋ مامىردا جاريالانادى. شىلدەدە جوبانى قۇرۋدى باستاپ, جەلتوقسانعا دەيىن اياقتاۋدى جوسپارلاپ وتىرمىز. گاز تاراتۋ جەلىلەرىنىڭ قۇرىلىسى جوسپار بويىنشا 2019-شى جىلى باستالادى». وبلىس اكىمى ەرلان قوشانوۆ بۇل جۇمىستاردىڭ جول كارتاسىن قۇرۋدى تاپسىردى. «ماگيسترالدىق گاز قۇبىرىنىڭ قۇرىلىسى اياقتالعانعا دەيىن گاز تاراتۋ جەلىلەرى دايىن بولۋى ءتيىس», - دەپ اتاپ ايتتى ايماق باسشىسى.
