«تاجىكستان رەسپۋبليكاسى عىلىم اكادەمياسىنىڭ گەولوگيا ينستيتۋتىندا تاجىكستان عىلىم اكادەمياسىنىڭ ءبىرىنشى شەتەلدىك قۇرمەتتى مۇشەسى, كورنەكتى قازاق عالىمى قانىش ساتباەۆتىڭ قۇرمەتىنە مەموريالدى تاقتانىڭ اشىلۋ سالتاناتتى ءوتتى. ول تاجىك عىلىم اكادەمياسىنىڭ قىزمەتىن, ورتالىق ازيانىڭ گەولوگيا عىلىمىن ۇيىمداستىرۋعا زور ۇلەس قوسقان», - دەلىنگەن قازاقستاننىڭ تاجىكستانداعى ەلشىلىگى تاراتقان اقپاراتتا.
سالتاناتتى شاردا ءسوز سويلەگەن قازاقستان ەلشىسى نۇرلان سەيتىموۆ عىلىم سالاسىنداعى قازاق-تاجىك بايلانىستارىنىڭ الداعى ۋاقىتتا دا رەتىمەن دامي تۇسەتىندىگىنە سەنىم ءبىلدىردى. سونىمەن قاتار قازاقستان ەلشىلىگىنىڭ قانىش ساتباەۆتى تاجىك جەرىندە ماڭگى ەستە قالدىرۋ تۋرالى ۇسىنىسىنا قولداۋ جاساعان تاجىكستان بيلىگىنە ريزاشىلىعىن ءبىلدىردى. ال ءتاجىستان عا ۆيتسە-پرەزيدەنتى ح.مۋمينوۆ ق.ساتباەۆتىڭ تاجىك جەرىندەگى قىزمەتىنە جوعارى باعا بەردى. ەكى ەل عالىمدارىنىڭ بۇگىنگى بۋىنى دا عىلىم سالاسىنداعى تىعىز بايلانىستى جالعاستىرىپ كەلە جاتقانىن ايتتى.
شاراعا تاجىكستان عا باسشىلىعى, عىلىمي قوعامداستىق, «قازاقستان-تاجىكستان» دوستىق قوعامى جانە قازاق دياسپوراسىنىڭ وكىلدەرى قاتىستى.
