سىبايلاس جەمقورلىققا قارسى پروفيلاكتيكا جۇمىستارىن كۇشەيتۋ, جاس ۇرپاق پەن بارشا قوعامدى وسى دەرتتەن اۋلاق جۇرۋگە شاقىرۋ, سونداي-اق سىبايلاس جەمقورلىقتىڭ سالدارىمەن ەمەس, سەبەبىمەن كۇرەسكە باسا ءمان بەرۋ ماقساتىنداعى مارافونعا قاتىسۋشىلار ءوز ەستافەتالارىن اقتاۋ تەڭىز ايلاعىنان باستادى. كاتامارانعا مىنگەن ولاردى وقۋشىلار مەن ستۋدەنتتەر, جەرگىلىكتى اتقارۋشى بيلىك وكىلدەرى مەن ءماسليحات دەپۋتاتتارى كۇتىپ الدى.
«مەن اقتاۋدى سۇيەمىن» جازۋىنىڭ قاسىندا دەپارتامەنت باسشىسى ن.جاننازاروۆا, ايگىلى سپورتشى ءا.نيازىمبەتوۆ, كورەي حالقىنىڭ «چوسون» ەتنومادەني ورتالىعىنىڭ جەتەكشىسى ر.مادەنوۆا كوپشىلىك الدىندا ءسوز سويلەدى.
سالتاناتتى شارانىڭ جالعاسى تۇپقاراعان اۋدانىنىڭ اقشۇقىر اۋىلىندا ءوتتى.
مارافونشىلاردى اۋىل تۇرعىندارى قۇشاق جايا قارسى الدى. جاس ونەرپازدار كۇيدەن شاشۋ شاشىپ, تەمىر تۇلپارمەن جەتكەن اكتسيا جالاۋىن اقبوزاتپەن قابىلداپ الدى.
جىل بويىنا جالعاساتىن «ادال جول» اكتسياسى اياسىندا بارلىق سالا قىزمەتكەرلەرىمەن سىبايلاس جەمقورلىقتىڭ الدىن الۋعا باعىتتالعان ءارتۇرلى دەڭگەيدەگى شارالار ۇيىمداستىرۋ جوسپارلانعان. ال, تۇپقاراعان اۋدانى الداعى ۋاقىتتا ەستافەتانى ءارى قاراي وبلىستىڭ وزگە اۋداندارى مەن قالالارىنا جولدايدى.
رەسپۋبليكا بويىنشا ءجۇرىپ جاتقان «ادال جول» اكتسياسى «9 جەلتوقسان – سىبايلاس جەمقورلىقپەن كۇرەس كۇنى» ەلوردادا, ال وبلىستىق دەڭگەيدەگى شارالار اقتاۋ قالاسىندا قورىتىندىلانادى.
ماڭعىستاۋ وبلىسى بويىنشا سىبايلاس جەمقورلىقپەن كۇرەس اگەنتتىگى ءباسپاسوز قىزمەتىنىڭ حابارلاۋىنشا, بيىل جىل باسىنان بەرى وڭىرىمىزدە «ونەر مەن مادەنيەتتە جەمقورلىققا جول جوق» اكتسياسى دا كەڭ كولەمدە وتكەن قالىڭ بۇقارانىڭ قاتىسۋىمەن ۇيىمداستىرىلاتىن مۇنداي جۇمىستار الداعى ۋاقىتتا دا جالعاسىن تاپپاق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
