كەڭەس بارىسىندا الماتى قالاسىنىڭ اكىمى ب. بايبەك جانە الماتى وبلىسىنىڭ اكىمى ا. باتالوۆ اوك-ءتى, ءتۋريزمدى, ساۋدانى, كولىك جانە لوگيستيكانى, ءبىلىم بەرۋ, دەنساۋلىق ساقتاۋ سالالارىن, جاپپاي كاسىپكەرلىكتى دامىتۋ, يندۋستريالاندىرۋ, تەحنولوگيالىق جاڭارتۋ جانە تسيفرلاندىرۋ جۇمىستارىن جۇرگىزۋ, ينۆەستيتسيالاردى تارتۋ جانە ءونىمدى جۇمىسپەن قامتاماسىز ەتۋ بويىنشا اتقارىلعان جۇمىستار تۋرالى باياندادى.
جيىندا ماسەلەلەردى تالقىلاۋعا ۇلتتىق ەكونوميكا ءمينيسترى ت. سۇلەيمەنوۆ, ينۆەستيتسيالار جانە دامۋ ءمينيسترى ج. قاسىمبەك, اقپارات جانە كوممۋنيكاتسيالار ءمينيسترى د. اباەۆ, ءبىلىم جانە عىلىم ءمينيسترى ە. ساعاديەۆ, مادەنيەت جانە سپورت ءمينيسترى ا. مۇحامەدي ۇلى, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا, اۋىل شارۋاشىلىعى ۆيتسە-ءمينيسترى گ. يساەۆا جانە دەنساۋلىق ساقتاۋ ۆيتسە-ءمينيسترى ل. اقتاەۆا قاتىستى. ءى توقسان قورىتىندىسى شىعارىلىپ, 2018 جىلعا ارنالعان ءوسۋ نۇكتەلەرى انىقتالدى. وبلىس اكىمدەرىنىڭ ەسەپتەرىن تىڭداۋ جۇمىستارى جالعاسۋدا.
