ەگەر وندا كورسەتىلگەن جۇمىستار ۋاقتىلى جانە تولىقتاي جۇرگىزىلسە, وتانىمىزدا وڭ وزگەرىستەر كوپ بولماق. مىسالى, قازىر حالىقتىڭ باسىم بولىگى مەملەكەتتەن تەگىن باسپانا الۋعا كەزەكتە تۇر. مەنىڭ ويىمشا, قول قۋسىرىپ كۇتىپ وتىرعانشا, حالىقتىڭ ءوز بەتىنشە ارەكەت ەتۋىن جەتىلدىرۋ قاجەت.
وسىلايشا, پرەزيدەنتىمىز اتاپ وتكەن «7 – 20 – 25» باعدارلاماسى بۇكىل ەلگە قاجەتتى باستاما دەپ بىلەمىن. الەمدەگى كەز كەلگەن ەلدە ءوز ازاماتتارىن تۇرعىن ۇيمەن قامتاماسىز ەتۋگە ارنالعان مۇنداي باعدارلاما مەن جەڭىلدىكتەر قاراستىرىلماعان.
قازاقستان – جاس مەملەكەت رەتىندە ءاربىر ازاماتى ءۇشىن قولدان كەلگەن جاقسىلىعىن جاساپ, باسقا قاتارلاس, كورشىلەس مەملەكەتتەرمەن سالىستىرعاندا, وق بويى وزىق شىعىپ وتىر.
الەمدىك ستاتيستيكاعا كوز جۇگىرتسەك, ءوز رەزيدەنتتەرىنە ارنالعان يپوتەكا بويىنشا ەڭ تومەنگى مولشەرلەمە جاپونيا, شۆەيتساريا, فينليانديا, گەرمانيا, ليۋكسەمبۋرگ سىندى كوپتەگەن دامىعان ەلدەردىڭ تاجىريبەسىندە كەزدەسەدى. بۇل مەملەكەتتەردە تۇرعىن ءۇيدىڭ باعاسى قىمبات بولعاندىقتان, ونى ساتىپ الۋ حالىققا قيىندىق تۋعىزادى. وسىعان قاراماستان, يپوتەكالىق كرەديت الۋعا تومەنگى پايىزدىق مولشەرلەمەلەر مەن تولەۋدىڭ ۇزاق مەرزىمدەرى بەكىتىلگەن.
مەنىڭ پىكىرىمشە, ءبىزدىڭ ۇكىمەت تە جوعارىدا اتالعان مەملەكەتتەردىڭ تاجىريبەسىن باستى نازاردا ۇستاپ, ەلىمىزدىڭ قازىرگى ەكونوميكالىق جاعدايىنا وراي حالىققا قولايلى شارتتاردى ۇسىنۋعا تىرىسىپ وتىر. ارينە ەل ازاماتى رەتىندە, مەنى جوعارى لاۋازىمداعى تۇلعالاردىڭ قاراپايىم حالىقتىڭ جاعدايىن ويلاۋى جانە ولاردىڭ ءومىرىن جاقسارتۋعا تالپىنعاندىعى بەك قۋانتادى. جاقىن ارادا تۇرعىن ۇيمەن قامتىلعان باقىتتى وتباسىلاردىڭ سانى بىرنەشە ەسە وسەدى دەپ ۇمىتتەنەمىن.
ءجاميلا مەڭدىبايقىزى,
«كۇمىس القا» يەگەرى
ماڭعىستاۋ وبلىسى
