مانەرلەپ سىرعاناۋشىلاردى جانكۇيەرلەرىنەن باسقا, تۋريزم جانە سپورت ءمينيسترى مەن قازاقستان ۇلتتىق وليمپيادا كوميتەتىنىڭ پرەزيدەنتى گەننادي گولوۆكين كۇتىپ الدى.
سپورتشىلار 24 اقپاننان 25 اقپانعا قاراعان تۇندە استاناعا كەلدى. ولار ەلگە ورالعان ساتتە مەرەكەلىك كوڭىل-كۇي سىيلاعان بارشا قولداۋشىلارىنا العىس ءبىلدىردى.
«وليمپيادادا تۋىمىز بيىكتە جەلبىرەگەندە كوكەيىمدى ماقتانىش سەزىمى كەرنەدى. قولداۋ كورسەتكەن بارشىڭىزعا ۇلكەن العىس. بۇل ماعان ەلىمدى ءارى قاراي دا ماقتان ەتۋگە ۇلكەن جىگەر بەرەدى», دەدى ميحايل شايدوروۆ.
ەلگە ورالعان بويدا سپورتشىلارعا سپونسورلار تاراپىنان پاتەر كىلتتەرى تابىستالدى. ميحايل شايدوروۆقا ءۇش بولمەلى پاتەر بەرىلسە, سوفيا سامودەلكينا مەن جاتتىقتىرۋشىسىنا ءبىر بولمەلى پاتەر سىيعا تارتىلدى.
وليمپيادا ويىندارىنىڭ جابىلۋ سالتاناتىندا قازاقستان تۋىن ميحايل شايدوروۆ الىپ شىقتى
بۇل كەزدەسۋ ەلدە سپورتقا دەگەن سۇيىسپەنشىلىكتى ارتتىرىپ, جاس سپورتشىلارعا شابىت بەرەتىن ماڭىزدى ءسات بولدى.
