«بۇگىندە ءبىز تەك ءۇي عانا سالىپ قويماي, سونداي-اق قولايلى ءومىر ءۇشىن قازىرگى زامانعا ساي جايلى ورتانى قۇرامىز. ءبىز تۇرعىن ءۇي كەشەندەرىمىزگە سۇلۋلىق پەن ەستەتيكانى جەتكىزگىمىز كەلەدى. ەڭ الدىمەن, ويلاپ تابىلاتىن نىشان تۇرعىن ءۇي كەشەنىنىڭ جالپى تۇجىرىمداماسىنا سايكەس كەلۋى كەرەك, سونىمەن قاتار ونىڭ تارتىمدىلىعىن ارتتىرۋ, پوزيتسيالاۋ تۇجىرىمداماسىنا لايىق بولىپ, كۇندىز دە, تۇندە دە كوزگە تارتىمدى بولۋى كەرەك. سىرتقى فاكتورلارعا ءتوزىمدى, ءورت قاۋىپسىزدىگىنىڭ تالاپتارىنا ساي بولۋى ءتيىس», دەپ اتاپ ءوتتى «BI Development» كومپانياسىنىڭ دامۋ جونىندەگى باسقارۋشى ديرەكتورى راسۋل مۇستافين.
قوعامدىق مويىنداۋ مەن اۆتورلىق جۇمىستاردى جۇزەگە اسىرۋ مۇمكىندىگىمەن قاتار, ءاربىر جوباسىنىڭ جەڭىمپازدارى 150 000 تەڭگە الادى. جۇلدەنىڭ جالپى قورى 1 350 000 تەڭگەنى قۇرايدى. سايىسقا قاتىسۋعا وتىنىمدەر 22 ساۋىرگە دەيىن كومپانيانىڭ سايتىندا قابىلدانادى. كونكۋرستىق جوبالاردى استانا قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسىنىڭ وكىلدەرى, سونداي-اق استانا قالاسىنىڭ ۋربانيستيكالىق ورتالىعى باعالايدى.
بريفينگكە قاتىسۋشىلار اتاپ وتكەندەي, 30 ءساۋىر كۇنى بايقاۋدىڭ قورىتىندىسى بويىنشا قازىلار القاسى جەڭىمپازداردى جاريالايدى, ءسويتىپ, جۇرتشىلىق استانا مەن الماتى قالالارىنىڭ زاماناۋي ارحيتەكتۋرالىق جانە كوركەم كورىنىستەرىنە ءوز ۇلەستەرىن قوساتىن جاڭا ەسىمدەردى تانيتىن بولادى.
BI ART Debut سايىسى BI Group كومپانياسىنىڭ ءبىر جىل بويى جۇزەگە اسىرىپ كەلە جاتقان جانە استانا قالاسىنىڭ 20 جىلدىعىنا ورايلاستىرىلعان «20 يگى ءىس» باعدارلاماسى اياسىندا ۇيىمداستىرىلۋدا. ايتا كەتەتىن بولساق, بۇرىن كومپانيانىڭ وكىلدەرى Happy StartUp تۇرعىن ءۇي كەشەندەرىن جەتىلدىرۋ يدەياسىن ۇسىنعان بولاتىن.
راۋان قايدار,
«ەگەمەن قازاقستان»
