كەزدەسۋگە سەزد سپيكەرلەرىنىڭ ءبىرى جاس ارحەولوگ, قازاقستاندىق وقۋ ورىندارىندا العاش PhD دارەجەسىن العان عالىمداردىڭ ءبىرى ايبار قاسەنالين, قر ۇلتتىق مۋزەيىنىڭ عىلىمي قىزمەتكەرلەرى جانە ەلوردالىق جوعارى وقۋ ورىندارىنىڭ ستۋدەنتتەرى قاتىستى. سونداي-اق, كەزدەسۋ قوناقتارى ءۇشىن قازاقستان تاريحى مەن قازاق ۇلتىنىڭ مادەني-تاريحي قۇندىلىقتارىن كورسەتەتىن ارنايى ەكسكۋرسيا ۇيىمداستىرىلدى.
«ەلباسىنىڭ «رۋحاني جاڭعىرۋ» باعدارلامالىق ماقالاسىنىڭ شىققانىنا 1 جىل بولدى. رۋحاني جاڭعىرۋ – ءبىزدىڭ وزگەرۋمىز, سانامىزدىڭ وزگەرۋى, مادەنيەتىمىزدىڭ ارتۋى, ومىرگە, جاڭا زامانعا بەيىمدەلۋىمىز, پراگماتيكالىق كوزقاراستىڭ پايدا بولۋى. جاستارعا بەرەر كەڭەسىم – كىتاپ وقۋ. قازىر ينتەرنەتتىڭ دامۋىمەن كىتاپتىڭ ءتۇر-ءتۇرىن تابۋعا بولادى. كەرەگىن تاڭداپ وقۋ كەرەك. ينتەرنەتتى مەڭگەرىڭدەر, سەبەبى, الداعى 20 جىلدا ءبىلىمسىز جاستارعا جۇمىس بولمايدى. «جاس وتاننىڭ» باستاماسى – جاستارمەن كەزدەسىپ, ءوز ويىممەن بولىسۋگە, اقىل-كەڭەسىمدى بەرۋگە ارنالعان پايدالى الاڭ», دەدى مىرزاگەلدى كەمەل.
مىرزاگەلدى كەمەل رۋحانيات سالاسىندا 10 كىتاپ شىعارعان. ولاردىڭ ىشىندە ىزگىلىككە, يماندىلىققا, ءبىلىم-بىلىككە, اقىل-پاراساتقا ۇندەيتىن تانىمدىق, كوسەمسوزدىك ەڭبەكتەرىنە قوسا, «ابزالدىق الىپپەسى», «وزىمە ساباق» سياقتى كىتاپتارى وقىرمان قاۋىمنان جوعارى باعاعا يە بولعان.
