«16:03-تە الماتى تجد-نىڭ 101 پۋلتىنە جەتىسۋ اۋدانى, كوكجيەك, 32-ءۇي مەكەنجايىندا ءورت شىققانى تۋرالى حابار ءتۇستى. ءورت سوندىرۋشىلەر وقيعا ورنىنا جەتكەندە بەلگىلى بولعانداي, كوكجيەك شاعىن اۋدانىنداعى №32 ءۇيدىڭ 3 بالكونى وتقا ورانعان. ادامدار قاۋىپسىز جەرگە كوشىرىلدى. ءورت سوندىرۋشىلەر وقيعا ورنىنا 16:11-دە جەتتى, وقيعا ورنىنا كەلگەن ءورت ءسوندىرۋ بولىمشەسى ءۇيدىڭ 1 مەن 5-قابات ارالىعىنداعى بەت جاعى ورتەنىپ جاتقانىن انىقتادى. ءورتتىڭ الدىن الا اۋماعى 1000 شارشى مەتر. ءۇيدىڭ توبەسىن تۇگەلدەي ءورت شالعان. قازىر ءورت ءسوندىرۋ جۇمىستارى جالعاسىپ جاتىر» , دەدى الماتى تجد رەسمي وكىلى ساندۋعاش بايمۇحامبەتوۆا.
ونىڭ ايتۋىنشا 5 قاباتتى ءۇيدىڭ بالكونىنان تۇتانعان ءورت ءۇيدىڭ شاتىرىن, مانساردىسىن تۇگەل شارپىپ ۇلگەرگەن. وقيعا ورنىندا شتاب, ەكى ءسوندىرۋ ۋچاسكەسى قۇرىلدى. ءتىلسىز جاۋدى اۋىزدىقتاۋ ءۇشىن 82 ءورت ءسوندىرۋشى, 25 تەحنيكا جۇمىلدىرىلدى. ورتەنگەن ۇيدەن 300 ادام قاۋىپسىز جەرگە شىعارىلدى.
