«كەشە عانا جاڭا ەلورداعا كوشكەن سياقتى بولىپ ەدىك. مىنە, كوزدى اشىپ-جۇمعانشا 20 جىل ءوتىپ كەتتى. ءبىز بيىل استانانىڭ 20 جىلدىق مەرەيتويىن اتاپ وتەمىز. مەنىمەن بىرگە سول كەزدە كەلگەن قاتارلاستارىم, جاستاردىڭ ەسىندە بولسا, بۇل جەر يەن دالا بولاتىن. بۇرىنعى اقمولا قالاسىنىڭ توڭىرەگىنىڭ قانداي بولعانىن ءبارىمىز بىلەمىز. جاڭا قالانىڭ ورنىندا ميداي دالا, ەشتەڭە جوق. قازىر كەلە جاتىپ قالانى كورگەندە وسىلاي بولعانىنا ءوزىم دە تاڭ قالامىن. ءبىز اتا-بابامىزدىڭ ارمانىن ورىنداپ, سارىارقانىڭ تورىندە ەل ورداسى - استانانى سالىپ, دۇنيەجۇزىن تامساندىرىپ, ەلىمىزدى قۋانتاتىن, كورشىلەرىمىز تاڭ قالاتىن شاھارعا اينالدىردىق. ارينە, ونىڭ ىشىندە ءبىزدىڭ دە ازداعان ەڭبەگىمىز بار. سوندىقتان وسى 20 جىلدىقتى قالاي وتكىزەمىز دەگەن ماسەلەمەن جينالىپ وتىرمىز. جىلدا قالادا ىستەلگەن شارۋالاردى وسىنداي كەڭەستە اقىلعا سالىپ, ارى قاراي نە ىستەۋ كەرەكتىگىن اقىلداسامىز», دەدى ءماجىلىستى اشقان پرەزيدەنت.
20 جىلدىڭ ىشىندە قالا مەملەكەت بيۋدجەتىنە 6 ترلن تەڭگەگە جۋىق قاراجات كىرىسىن قامتاماسىز ەتتى. وسى ۋاقىت ارالىعىندا الىنعان ترانسفەرتتەردىڭ كولەمى 2,3 ترلن تەڭگەنى قۇرادى. ەلوردانىڭ قۇرىلىسى مەن دامۋىنا بولىنگەن قارجى بىرنەشە ەسەلەنگەن كولەمدە قايتتى. سونداي-اق, بيۋدجەتتەن تىس ينۆەستيتسيالاردىڭ ۇلەسى 80%-دى قۇرادى. بۇل تۋرالى جيىندا استانا اكىمى اسەت يسەكەشەۆ ءمالىم ەتتى.
20 جىل ىشىندە استانانىڭ ەكونوميكاسىنا شامامەن 8 ترلن تەڭگە ينۆەستيتسيا قۇيىلدى. وتكەن جىلى تارتىلعان ينۆەستيتسيالاردىڭ كولەمى رەكوردتىق كورسەتكىشكە جەتىپ, 945 ملرد تەڭگەنى قۇرادى. ونىڭ 200 ملرد تەڭگەگە جۋىعى – تىكەلەي شەتەلدىك ينۆەستيتسيالار.
«بيۋدجەتتەن تىس ينۆەستيتسيالاردىڭ ءوسىمىن اتاپ وتكىم كەلەدى. ولاردىڭ ۇلەسى 80%-عا جەتتى. ءسىزدىڭ قۇرعان دامۋ مودەلىڭىزدىڭ ارقاسىندا 20 جىل ىشىندە قالا مەملەكەت بيۋدجەتىنە 6 ترلن تەڭگەگە جۋىق قاراجات كىرىسىن قامتاماسىز ەتتى. وسى ۋاقىت ارالىعىندا الىنعان ترانسفەرتتەردىڭ كولەمى 2,3 ترلن تەڭگەنى قۇرادى», دەگەن ءا.يسەكەشەۆ مەملەكەتتىك بيۋدجەتكە تۇسىمدەر 78 ەسە ءوسىپ, 1 ترلن تەڭگەنى قۇراعانىن, ونىڭ 77 پايىزى رەسپۋبليكالىق بيۋدجەتكە باعىتتالعانىىن جەتكىزدى.
سونداي-اق, اكىم قالالىق اكىمدىك قولجەتىمدى باسپانا باعدارلاماسىن ازىرلەپ جاتقانىن جەتكىزدى.ء «بىرىنشى جانە نەگىزگى سۇراق – بۇل ءۇي ماسەلەسى. 2017 جىلى استانادا رەكوردتىق دەڭگەيدە 2 ملن 360 مىڭ شارشى مەتر تۇرعىن ءۇي سالىندى. بۇل رەسپۋبليكالىق كورسەتكىشتىڭ 25%-ى. كوممەرتسيالىق قۇرىلىس تۋرالى سىزگە ەسەپ بەردىك. الداعى ۋاقىتتا قۇرىلىس جۇرگىزىلەتىن 4 پەرسپەكتيۆالىق ايماق انىقتالدى. بۇل اۋماقتا اۋدانى 17 ملن شارشى مەتر بولاتىن تۇرعىن ءۇي سالۋعا بولادى. سونىمەن قاتار, قالانىڭ ەسكى بولىگىندە رەيننوۆاتسيالىق جۇمىستار دا جۇرگىزىلەدى. پرەزيدەنتتىڭ بەس الەۋمەتتىك باستاماسى» نەگىزىندە قولعا الىنعان «7-20-25» باعدارلاماسى قالا تۇرعىندارىنا جاڭا پاتەر الۋعا قوسىمشا مۇمكىندىك بەرەدى. «نۇرلى جەر» باعدارلاماسى جانە پرەزيدەنتتىڭ 5 الەۋمەتتىك باستاماسى نەگىزىندە ءبىز قازىرگى تاڭدا وڭىرلىك قولجەتىمدى تۇرعىن ءۇي باعدارلاماسىن دايىنداپ جاتىرمىز», دەدى ءا.يسەكەشەۆ.
