بۇل جونىندە وبلىستىق ءماسليحاتتىڭ دەپۋتاتى, «وڭتۇستىك قازاقستان مەديتسينالىق اكادەمياسى» اق-نىڭ قۇرىلتايشىسى س.سەيتجانوۆ ءمالىم ەتتى. وڭتۇستىك قازاقستان وبلىسىنىڭ اكىمى ج.تۇيمەباەۆتىڭ اكادەميادا بولىپ, زەرتحانالارىنىڭ جابدىقتارىمەن تانىسۋى كەزىندە. سونداي-اق, س.سەيتجانوۆ قوسىمشا اۋديتورلىق قورمەن وقۋ ورنىنا 7205 شارشى مەتر بولاتىن جاڭا عيمارات ساتىپ الىپ جاتقانىن ايتتى. وبلىس باسشىسى جوعارى وقۋ ورنىنىڭ پروفەسسورلىق-وقىتۋشىلىق قۇرامىمەن جانە ستۋدەنت-ماگيسترانتتارمەن كەزدەسۋى بارىسىندا قۇرىلتايشىنىڭ وقۋ ۇدەرىسىن ودان ءارى دامىتۋعا مۇددەلى ەكەنىن جانە ايتارلىقتاي قاراجات سالۋعا دايىن ەكەنىن اتاپ ءوتتى. ياعني, ەلىمىزدەگى مەديتسينا مەن فارماتسەۆتيكا سالاسى بويىنشا ساپالى كادر دايارلاۋعا مۇمكىندىك جاسالۋدا.
«جالپى اكادەميا 1979 جىلى قۇرىلعان وزىندىك بازاسى بار ۇلكەن جوعارى وقۋ ورنى بولىپ تابىلادى. ال ەندى ءبىزدىڭ 3 ميلليون حالقى بار وبلىس ءۇشىن وسىنداي ساپالى وقۋ ورىندارى, اسىرەسە دارىگەرلىك وقۋ ورىندارى وتە قاجەت. وزدەرىڭىز بىلەسىزدەر, ەلباسى جىل سايىنعى حالىققا ارناعان جولداۋىندا دەنساۋلىق سالاسىنا ايتارلىقتاي كوڭىل ءبولىپ كەلەدى. ەندى ءبىز اۋرۋدى بولعان كەزدەگى ەمدەۋدەن گورى, اۋرۋدى بولدىرماۋدىڭ جولدارىن قاراستىرۋىمىز قاجەت. وسى باعىتتا جۇمىس ىستەۋىمىز كەرەك», دەدى وبلىس اكىمى.
بۇگىندە, ياعني 2017-2018 وقۋ جىلىندا مەديتسينا اكادەمياسىندا ءبىلىم الىپ جاتقان 3771 ستۋدەنتتىڭ 238-ءى شەتەلدىك جاستار. ستۋدەنتتەرگە 300-دەن استام پروفەسسورلىق-وقىتۋشىلىق قۇرام ءۇش تىلدە ءبىلىم بەرۋدە.
ەركىن دوسىمباي,
وڭتۇستىك قازاقستان وبلىسى
