قر ءىىم-ءنىڭ اكىمشىلىك پوليتسياسىنىڭ تەب قىزمەتكەرلەرىن اۋداندىق حقو بولىمدەرىندە ورنالاستىرۋ تۋرالى شەشىم قر پرەمەر-ءمينيسترىنىڭ ورىنباسارى اسقار جۇماعاليەۆ توراعالىق ەتەتىن ۆەدومستۆوارالىق كوميسسيادا قابىلداندى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جانىنداعى ارنايى مونيتورينگتىك توبى ۇسىنعان جاڭا جۇيەنىڭ ارتىقشىلىعىن العاشقى بولىپ قاراعاندى وبلىسى وساكاروۆ اۋدانىنىڭ جانە سولتۇستىك قازاقستان وبلىسى تايىنشا اۋدانىنىڭ تۇرعىندارى باعالاي الادى. كوپ ۇزاماي بۇل جوبا «ازاماتتارعا ارنالعان ۇكىمەتتىڭ» تاعى 21 فرونت-وفيسىندە جۇزەگە اسىرىلادى.
جاڭاشىلدىقتىڭ ارقاسىندا اۆتوكولىك يەلەرى ءۇشىن جۇرگىزۋشى كۋالىگىن اۋىستىرۋ جانە كولىكتەردى تىركەۋ جۇمىستارى ايتارلىقتاي جەڭىلدەيدى. ەندى ولارعا وبلىستىق مامانداندىرىلعان حقو-عا بارۋ نەمەسە ىشكى ىستەر ورگاندارىنا تىكەلەي جۇگىنۋدىڭ قاجەتى جوق. ەسكەرەتىن جايت, جۇرگىزۋشى كۋالىگىن العاشقى رەت الۋشىلارعا بۇل جوبا اياسىندا قىزمەت كورسەتىلمەيدى.
وساكاروۆ اۋداندىق №1 ءبولىمى وساكاروۆ اۋىلى پريستانتسيوننايا كوشەسى, 12 ءۇي مەكەنجايى بويىنشا, ال تايىنشا اۋداندىق ءبولىمى تايىنشا قالاسى قازاقستان كونستيتۋتسياسى كوشەسى 208 ءۇي مەكەن-جايى بويىنشا ورنالاسقان.
ەسكە سالا كەتسەك, 2012 جىلدان بەرى قازاقستاندا ءبىر تەرەزە قاعيداتى بويىنشا ازاماتتارعا جۇرگىزۋشى كۋالىكتەرىن بەرۋ جانە كولىكتى تىركەۋ بويىنشا مەملەكەتتىك قىزمەتتەردى كورسەتۋ ءۇشىن مامانداندىرىلعان حالىققا قىزمەت كورسەتۋ ورتالىقتارى جۇمىس ىستەۋدە. بۇگىنگى تاڭدا ەلىمىزدە 14 مامانداندىرىلعان حقو جانە 3 سەكتور بار. بيىل اتىراۋ جانە باتىس قازاقستان وبلىستارىندا مامانداندىرىلعان حقو بولىمدەرىن اشۋ جوسپارلانىپ وتىر.
