ء ىس-شارا مەملەكەتتىك قىزمەتشىلەر اراسىندا ەركىن سۇحبات الاڭىن قۇرۋ ماقساتىندا بەيرەسمي فورماتتا وتكىزىلدى.
«رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» اتتى مەملەكەتتىك قىزمەتشىلەردىڭ ساناسىن ترانسفورماتسيالاۋعا باعىتتالعان كىشى باعدارلاماسىن وڭىرىمىزدە اگەنتتىكتىڭ ماڭعىستاۋ وبلىسى بويىنشا اۋماقتىق دەپارتامەنتى جۇرگىزۋدە. وسىعان بايلانىستى, سۇحبات الاڭى ماڭعىستاۋلىق مەملەكەتتىك قىزمەتشىلەردىڭ وي-ساناسى مەن ويلاۋ ءورىسىن وزگەرتۋگە جاڭا ادىستەردى قولدانۋعا باعىتتالعان بولاتىن.
كەزدەسۋگە قاتىسۋشىلار مەملەكەتتىك ورگاندار قىزمەتىنىڭ ءتۇرلى باعىتتارى بويىنشا كوكەيىندەگى ساۋالدارىن قويىپ, اسىرەسە الەۋمەتتىك قامتاماسىز ەتۋ, ادەپ ەرەجەلەرىن ساقتاۋ, مەملەكەتتىك قىزمەت جۇيەسىن جەتىلدىرۋ ماسەلەلەرىنە تەرەڭىرەك توقتالدى. قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى ءباسپاسوز قىزمەتىنىڭ حابارالۋىنشا, دەپارتامەنت باسشىسىنىڭ وسىعان ۇقساس كەزدەسۋلەرى ءتۇرلى ماقساتتى توپتارمەن تۇراقتى تۇردە وتكىزىلمەك.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
