دەگەنمەن دە ۇلتتىق مەيرامدى وزگەشە سيپاتتا وتكىزۋگە تىرىسىپ جۇرگەن جاندار تىم كوپ بولماسا دا بار. ماسەلەن, جۋىقتا ءۇرجار اۋدانىنىڭ تاسكەسكەن اۋىلىنداعى ءۇرجار كوللەدجىندە اسىق اتۋدان سايىس ۇيىمداستىرىلدى.
ءبىر قىزىعى, ستۋدەنتتەر اراسىندا وتكەن جارىسقا اتالعان ءبىلىم ورداسىنىڭ ديرەكتورى قاناعات شاراحمەتوۆتىڭ ءوزى دە قاتىستى. قاتىسىپ قانا قويماي, باس جۇلدەنى قانجىعاسىنا بايلادى.
«اسىقتى بالا كەزدە ارمانسىز وينادىق قوي. بۇل سايىسقا بىلگەن, تۇيگەنىمىزدى بالالارعا ۇيرەتەيىك, ءداستۇرىمىزدى دارىپتەيىك, ۇلتتىق قۇندىلىقتارىمىزدى ۇلىقتايىق دەگەن يگى نيەتپەن قاتىستىم. ۇيدە, بولماسا ءبىر بۇرىشتا قالتا تەلەفونىنا ۇڭىلگەنشە بالالاردىڭ تازا اۋادا اسىر سالىپ اسىق اتقانىن قالايمىن. جارىستى وتكىزۋدەگى ماقساتىمىز – وسى», – دەيدى كوللەدج ديرەكتورى.
جارىس قورىتىندىسىندا I ورىندى كوللەدج ديرەكتورى قاناعات شاراحمەتوۆ يەلەنسە, II ورىن ءى كۋرس ستۋدەنتى قابدەن ريزاتقا بۇيىردى. III ورىندى ءىى كۋرس ستۋدەنتى نۇر قاليباەۆ ەنشىلەدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ءۇرجار اۋدانى,
تاسكەسكەن اۋىلى
