ول بيىلعى جىلى جەڭىلدەتىلگەن شاعىن نەسيە كولەمىن ارتتىرۋ ءۇشىن قوسىمشا 20 ميلليارد تەڭگە ءبولۋ كەرەگىن ايتتى. ءسوز جوق, بۇل ەلىمىزدىڭ ەكونوميكالىق قۋاتىن ىلگەرىلەتۋ جولىن تاڭداپ, اۋىلدان جاڭادان كاسىپتەرىن اشىپ, جۇمىستارىن باستاۋشىلار ءۇشىن ۇلكەن قولداۋ.
وتكەن جىلى ايماقتا كاسىپكەرلىكتى قولداۋ كارتاسى شەڭبەرىندە 344 جۇمىس ورنىن قۇرۋمەن قۇنى 5 ملرد تەڭگە بولاتىن بەس جاڭا جوبا جۇزەگە استى. شاعىن جانە ورتا كاسىپكەرلىك سۋبەكتىلەرىمەن وندىرىلگەن ءونىمنىڭ كولەمى الدىڭعى جىلمەن سالىستىرعاندا 50 پايىزدان استام ءوسىم بەردى. سونداي-اق بىلتىر جەرگىلىكتى بيۋدجەت پەن «دامۋ» قورى قاراجاتى ەسەبىنەن بارلىعى 500 ملن تەڭگە ءبولىنىپ, كاسىپكەرلەردى قارجىلاندىرۋ جۇرگىزىلدى. بۇل قاراجاتقا 11 جوبا ماقۇلداندى.
جالپى, ەلباسىنىڭ حالىققا جولداۋىندا اتاپ كورسەتىلگەنىندەي, اۋىلدا عانا ەمەس, بارلىق جەردە ادامدار ءوز بيزنەسىن اشا الادى. سونىڭ ارقاسىندا شاعىن نەسيەلەندىرۋدىڭ كولەمى كەڭەيتۋگە, جاڭا كاسىپ اشۋعا, ەكى قولعا ءبىر كۇرەك تابا الماي جۇرگەن جۇزدەگەن ادامدى جۇمىسپەن قامتاماسىز ەتۋگە بولادى.
ەندەشە, مەملەكەت تاراپىنان جاسالاتىن وسىنداي قولداۋ مەن بەرىلگەن مۇمكىندىكتى قالت جىبەرمەگەن دۇرىس.
ءاليا بەكقوجيەۆا,
«اتىراۋ وبلىستىق جۇمىس بەرۋشىلەر مەن كاسىپكەرلەر وداعى» قوعامدىق بىرلەستىگىنىڭ ءتورايىمى
