ماسەلەن, ءماجىلىس توراعاسىنىڭ ورىنباسارى ۆلاديمير بوجكو باستاعان تومەنگى پالاتا دەپۋتاتتارى قىزىلوردالىق دەپۋتاتتار, قوعام بەلسەندىلەرى جانە ۇستازدارمەن كەزدەستى. شارا بارىسىندا ۆيتسە-سپيكەر ەلباسىنىڭ بەس الەۋمەتتىك باستاماسى حالىقتىڭ مۇقتاجىنا باعىتتالىپ وتىرعانىن اتاپ ءوتتى.
ءوز كەزەگىندە ءماجىلىس دەپۋتاتى ناتاليا جۇمادىلداەۆا ءبىلىم گرانتتارىنىڭ سانىن كوبەيتۋ, ستۋدەنتتەردى جاتاقحانامەن قامتۋعا بايلانىستى ءبىلىم جانە عىلىم مينيسترلىگىمەن بىرلەسىپ قولعا الىنعان زاڭ جوباسىنىڭ نەگىزگى تاراۋلارىنا توقتالدى.
سونىمەن قاتار شارا بارىسىندا ءماجىلىس دەپۋتاتتارى بالايم كەسەباەۆا, ابزال ەراليەۆ, كەڭەس ابساتيروۆ سالىق سالاسىنداعى وزگەرىستەر, كاسىپكەرلەرگە قولداۋ كورسەتۋ مەن حالىقتى باسپانامەن قامتاماسىز ەتۋ ماسەلەلەرىن كوتەردى.
دەپۋتاتتار قىزىلوردا قالاسىنداعى دوستىق ۇيىندە وبلىستىق قازاقستان حالقى اسسامبلەياسى مۇشەلەرىمەن دە ديدارلاستى.
اتاپ ايتقاندا, پارلامەنت سەناتىنىڭ دەپۋتاتتارى بىرعانىم ءايتىموۆا مەن باقتىباي شەلپەكوۆ اقتاۋ قالاسىندا اكادەميك ش.ەسەنوۆ اتىنداعى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتىنىڭ ستۋدەنتتەرىمەن جانە پروفەسسورلىق-وقىتۋشىلار قۇرامىمەن كەزدەستى. دەپۋتاتتار كەزدەسۋ بارىسىندا قازاقستان قوعامىن الەۋمەتتىك جاڭعىرتۋعا ارنالعان «پرەزيدەنتتىڭ بەس باستاماسىن» شاراعا قاتىسۋشىلارعا جان-جاقتى ءتۇسىندىردى.
سونىمەن قاتار ءار وتباسىنا, ونىڭ ىشىندە جاستارعا تۇرعىن ءۇي ساتىپ الۋدىڭ جاڭا مۇمكىندىكتەرى, ەڭبەكاقىسى تومەن جۇمىسشىلارعا سالىق اۋىرتپالىعىن تومەندەتۋ, جوعارى ءبىلىم الۋداعى جاڭالىقتار مەن ونىڭ ساپاسىن كوتەرۋ شارالارى تۋرالى اڭگىمە قوزعالدى. سەناتورلار وبلىستىق اۋرۋحانانىڭ ۇجىمىمەن دە جۇزدەستى.
* * *
ال سەناتور ەرىك سۇلتانوۆ سولتۇستىك قازاقستان وبلىسى شال اقىن اۋدانى تۇرعىندارىمەن كەزدەسىپ, قازاقستاندىقتار ءۇشىن جايلى باسپانا الەۋمەتتىك ماڭىزى ايرىقشا ماسەلە بولىپ تابىلاتىنىن ءسوز ەتتى.
* * *
ءماجىلىس دەپۋتاتتارى ەرسۇلتان بەكتۇرعانوۆ, جانات جاراسوۆ جانە ارتۋر پلاتونوۆ پەن مۇرات تەمىرجانوۆ پاۆلودار وبلىسىنا جۇمىس ساپارى بارىسىندا اقسۋ فەرروقورىتپا زاۋىتىندا بولىپ, ەڭبەك ۇجىمىمەن جۇزدەستى. دەپۋتاتتار كاسىپورىن قىزمەتكەرلەرىمەن پىكىرلەسۋ بارىسىندا مەملەكەت باسشىسى باستامالارىنىڭ كەشەندى جانە شىعىنى ەسەپتەلگەن ايقىن جوسپار ەكەندىگىنە نازار اۋداردى.
* * *
ەلباسىنىڭ بەس الەۋمەتتىك باستاماسى تالقىلانعان «اق جول» پارتياسىنىڭ وڭتۇستىك قازاقستان وبلىستىق كەڭەسىنىڭ القالىق جيىنىنا ءماجىلىس دەپۋتاتتارى ازات پەرۋاشەۆ پەن بەرىك دۇيسەمبينوۆ قاتىستى.
كەزدەسۋ بارىسىندا دەپۋتاتتار ءماجىلىستىڭ زاڭ شىعارۋ قىزمەتى مەن «اقجول» دەموكراتيالىق پارتياسىنىڭ پارلامەنتتىك فراكتسياسىنىڭ جۇمىسى جايلى دا ەگجەي-تەگجەيلى باياندادى.
* * *
سونداي-اق اقمولا وبلىسىنىڭ اقكول جانە تسەلينوگراد اۋداندارىنىڭ تۇرعىندارىمەن جۇزدەسكەن ءماجىلىس دەپۋتاتتارى ءاليا ساپاروۆا, سەرگەي سيمونوۆ, پاۆەل كازانتسەۆ, سنەجاننا يماشەۆا مەن ميحايل چيركوۆ ەلباسىنىڭ بەس الەۋمەتتىك باستاماسىنىڭ اربىرەۋىنە ناقتى توقتالىپ ءوتتى.
* * *
ءوز كەزەگىندە پارلامەنت ءماجىلىسىنىڭ دەپۋتاتى گەنەرال-لەيتەنانت اباي تاسبولاتوۆ استانا قالاسىنىڭ اسكەري قىزمەتشىلەرمەن كەزدەستى.
بۇل باسقوسۋدا ەلباسىنىڭ الەۋمەتتىك باستامالارى جايىندا اشىق اڭگىمە ءوتتى. سونىمەن قاتار زاڭ شىعارۋشى ورگان وكىلى ەلىمىزدىڭ قورعانىس جانە اسكەري سالالارىندا ەڭبەك ەتىپ جۇرگەن قىزمەتكەرلەردى تۇرعىن ۇيمەن قامتاماسىز ەتۋ ماسەلەسىن ءسوز ەتتى.
سونداي-اق, ءماجىلىس دەپۋتاتتارىنىڭ قاتىسۋىمەن ەلوردانىڭ باسقا دا كاسىپورىندارىندا جانە قۇرىلىس الاڭدارىندا كەزدەسۋلەر ۇيىمداستىرىلدى.
* * *
پارلامەنت ءماجىلىسىنىڭ دەپۋتاتتارى بەيبىت مامراەۆ پەن كارىباي مۇسىرمان قاراعاندى وبلىسىنىڭ شەت اۋدانىنىڭ اقجال كەنتىندەگى «Nova-تسينك» جشس ۇجىمىمەن كەزدەستى. ك.مۇسىرمان قاراعاندى وبلىسىنا تارتىلاتىن گاز قۇبىرى ەلباسىنىڭ بەس باس-
تاماسى اياسىندا اۋقىمدى جەڭىلدىك əكەلەتىنىن باياندادى.
* * *
ال ءماجىلىس دەپۋتاتتارى مايرا ايسينا مەن ۆاسيلي ولەينيك قاراعاندى وبلىسىنىڭ اباي قالاسىنداعى «ۆولىنكا» جشس قىزمەتكەرلەرىمەن كەزدەسۋىندە پرەزيدەنتتىڭ بەس الەۋمەتتىك جاڭعىرتۋعا باعىتتالعان باستامالارىنىڭ مازمۇنى جايىندا اڭگىمەلەدى. تيىسىنشە, زاۋىت جۇمىسشىلارى مەملەكەت باسشىسىنىڭ باعدارلامالارىن جۇزەگە اسىرۋدىڭ ەگجەي-تەگجەيىنە قىزىعۋشىلىقتارىن ءبىلدىردى.
* * *
پەتروپاۆل قالاسىندا ءماجىلىس دەپۋتاتتارى سۆەتلانا بىچكوۆا, ايزادا قۇرمانوۆا, ايگۇل نۇركينا, ءجاميلا نۇرمانبەتوۆا, قانات مۋسين وبلىستىق ىشكى ىستەر دەپارتامەنتىندە بولىپ, كوشى-قون قىزمەتىنىڭ, جەدەل باسقارۋ ورتالىعىنىڭ, ۋچاسكەلىك بەكەتتەردىڭ جۇمىستارىمەن تانىستى. №1 قالالىق ەمحانانىڭ ۇجىمىمەن وتكەن جۇزدەسۋدە جالاقىسى تومەن جۇمىسشى-قىزمەتكەرلەردىڭ ەڭبەكاقىسىن كوبەيتۋ باعىتىندا ۇكىمەت تاراپىنان قوسىمشا قارجى بولىنەتىنىن ايتتى.
* * *
ءماجىلىس دەپۋتاتتارى ساپار احمەتوۆ, انار جايىلعانوۆا جانە احمەت مۋرادوۆ استاناداعى شىنى پاكەتىن شىعاراتىن كومپانيا قىزمەتكەرلەرىمەن وندىرىستىك تسەحتاردا جۇزدەستى.
پرەزيدەنتتىڭ بەس باستاماسىن تالقىلاۋ بارىسىندا جۇمىسشىلار ەلباسىنىڭ حالىققا ۇسىنعان مۇمكىندىكتەرىنىڭ دەر كەزىندە قولعا الىنعانىن جانە ماڭىزدى ەكەندىگىن اتاپ ءوتتى, دەپ حابارلادى پارلامەنت سەناتى مەن ءماجىلىسىنىڭ ءباسپاسوز قىزمەتتەرى.
