ءوز ۇستانىمدارىنا بەرىكتىك تانىتتى

الماتىدا پاتريوتتار پارتياسىنىڭ ءحى سەزى بولىپ ءوتتى. وندا اتالعان ساياسي بىرلەستىكتىڭ سايلاۋالدى تۇعىرناماسى ءبىراۋىزدان قولداۋ تاپتى. فورۋم ءداستۇر بويىنشا جاڭا مۇشەلەرگە پارتيا بيلەتتەرىن سالتاناتتى تۇردە تاپسىرۋىمەن باستالدى. وندا قازاقستاندىق تانىمال تاي بوكسىنىڭ شەبەرلەرىمەن قاتار, جاس سپورتشىلار دا ءوز ونەرلەرىن ورتاعا سالدى. ءسوز رەتىندە سەزگە دەلەگاتتار ەلىمىزدىڭ بارلىق وڭىرلەرىنەن كەلگەنىن ايتا كەتەيىك. پارتيا توراعاسى, پارلامەنت سەناتىنىڭ دەپۋتاتى عاني قا­سى­موۆ ءوزىنىڭ بايانداماسىندا پاتريوتتار وزدەرىنىڭ الدىنا قويىپ وتىرعان جاقىن جىلدارداعى باس­تى ماقسات ەل ازاماتتارىنىڭ سا­پا­لىق تۇرعىدان جاڭا ءومىر دەڭ­گەيىنە ءوتۋى بولىپ تابىلاتىنىن اتاپ كورسەتتى. تاۋەلسىزدىكتىڭ 20 جىلىندا وتانىمىز الەۋمەتتىك-ەكونوميكالىق دامۋدا ۇلكەن تا­بىس­تارعا قول جەتكىزىپ, ءوزىنىڭ الەم­دىك ارەناداعى بەدەلىن بەكەمدەي ءتۇستى. Newsweek جۋرنا­لى­نىڭ نۇسقاسى بويىنشا وتكەن جىلى قازاقستان «الەمنىڭ وزىق ەلدەرى» تىزىمىندە 61-ءشى ورىنعا تۇراقتاعان. ع.قاسىموۆتىڭ ايتۋىنشا, بۇل ەركىن كورسەتكىش ءبىلىم بەرۋ, دەن­ساۋلىق ساقتاۋ, ءومىر ساپاسى, ەكو­نوميكا دامۋى, ساياسي احۋال, تۇر­عىنداردىڭ جاپپاي ساۋاتتىلىعى سياقتى رەيتينگتەردەن تۇرادى. ءبىر­قاتار پوزيتسيالار بويىنشا ءبىز­دىڭ ەلىمىز قازىردىڭ وزىندە الەم­نىڭ باسەكەگە قابىلەتتى 50 مەملەكەتىنىڭ قاتارىنا كىرىپ ۇلگەرگەن. حالىقارالىق رەزەرۆتەر دەڭگەيى جونىنەن دە وسىنى ايتۋعا بولادى. فورۋمدا اتاپ كورسەتىلگەنىن­دەي, پارتيا قىزمەتىنىڭ ماڭىزدى باعىتى ەل پرەزيدەنتى نۇرسۇلتان نازارباەۆتىڭ باستامالارىن ءجۇ­زەگە اسىرۋ بويىنشا جاسالاتىن جۇمىستار بولادى. ولاردىڭ ارا­سىندا ەكونوميكانى جاڭعىر­تۋ­دىڭ ۇلتتىق جوبالارى, وتباسى مەن بالانى قولداۋ, ادام الەۋەتىن اشۋ بار. تاياۋداعى بەس جىلدا, دەپ ەسەپتەيدى دەلەگاتتار, قازاق­ستاننىڭ ەكونوميكاسى ازاماتتار تابىسىن 20 پايىزعا ارتتىرۋعا قابىلەتتى. پارلامەنتكە سايلا­نا­تىن دەپۋتاتتار بيۋدجەت سالاسى قىزمەتكەرلەرىنىڭ ەڭبەكاقىلارىن جوعارىلاتۋعا, از قامتاماسىز ەتىل­گەندەرگە, مۇگەدەكتەرگە, زەينەت­كەر­لەرگە, كوپ بالالى وتباسىلارىنا مەملەكەتتىك قولداۋدى كۇشەيتۋگە دايەكتىلىكپەن قول جەتكىزۋگە ۇم­تىلاتىن بولادى. سونىمەن قاتار, تۇرعىندار ءۇشىن الەۋمەتتىك قىزمەت كورسەتۋ­دىڭ جوعارى ساپاسىن قامتاماسىز ەتۋ, جاس وتباسىلارىنا اركەز نازار اۋدارىپ وتىرۋ, جاڭا جۇمىس ورىندارىن قۇرىپ, شاعىن بيزنەستى دامىتۋ ارقىلى جۇمىس­سىزدىق دەڭگەيىن ازايتۋ دا اي­تارلىقتاي ماڭىزدى. قازاقستاننىڭ كەدەن وداعى مەن بۇكىلالەمدىك ساۋدا ۇيىمىنا كىرۋى جونىندەگى مەملەكەت باسشى­سىنىڭ ءبىرتۇتاس ستراتەگيالىق سايا­ساتىن قولداي وتىرىپ, فو­رۋم­عا قاتىسۋشىلار مۇنى ازا­مات­تار­دىڭ جوعارى ساپالى تاۋارلارعا قول جەتكىزۋىنىڭ, قىزمەت كورسە­تۋلەر مەن وتاندىق ءونىمنىڭ حا­لىق­ارالىق رىنوكتارعا شىعۋى ەسە­بىنەن ازاماتتاردىڭ ءومىر سا­پا­سىن جوعارىلاتۋدىڭ اسا ماڭىزدى فاكتورلارىنىڭ ءبىرى رەتىندە قا­راس­تىردى. سەزدە ساياسي جۇيەنى جاڭ­عىر­تۋ ماسەلەسىنە دە باسا نازار اۋ­دا­رىل­دى. ع.قاسىموۆتىڭ پىكىرىنشە, جوعارى ۇيىمداستىرۋشىلىق جۇ­مىس پەن ساياسي بىرلەستىكتىڭ بار­لىق مۇشەلەرىنىڭ جوعارى بەلسەندىلىگى ناتيجەسىندە پاتريوتتار پار­تياسى پارلامەنت ءماجىلىسى­نەن بىرقاتار ورىنعا قول جەتكىزىپ, ءوزىنىڭ فراكتسياسىن قۇرۋعا قابى­لەتتى. سوندىقتان پارتيا ءتور­اعا­سى پارلامەنت ءماجىلىسى مەن بار­لىق دەڭگەيدەگى ءماسليحاتتار ساي­لاۋى ناۋقانى كەزىندە بىرقاتار مىندەتتەر قويدى. سەزد قورىتىندىسىندا ساي­لاۋ­الدى ساياسي تۇعىرناما بەكىتىلىپ, پارتيادان پارلامەنت دەپۋ­تا­ت­تىعىنا ۇسىنىلاتىن كاندي­دات­تاردىڭ ءتىزىمى ناقتىلاندى. – ءبىز قازىر سايلاۋ تاكتيكاسىن ويلاستىرۋىمىز قاجەت. ءاربىر پار­تيا ۇيىمى قانداي ۇيىم­داس­تى­رۋشىلىق الەۋەتكە, ماتەريال­دىق رەسۋرستارعا جانە مۇمكىن­دىك­تەرگە يە ەكەنىن انىقتاۋعا ءتيىسپىز. شەشىنگەن سۋدان تايىنباس دەگەن, سون­دىقتان جەڭىسكە ۇمتىلاتىن بو­لامىز, – دەدى پاتريوتتار پار­تيا­سىنىڭ كوشباسشىسى ع.قاسىموۆ. وسى ارادا ەسكە سالا كەتەتىن بولساق, 2004 جانە 2007 جىلدار­داعى ءماجىلىس سايلاۋلارىندا پات­ريوتتار پارتياسى سايكەسىنشە 0,55 جانە 0,78 پايىز داۋىس جي­ناعان بولاتىن. ع.قاسىموۆ وسى جولى قاجەتتى داۋىس الاتىندارىنا سەنىمدى. «ەگەمەن-اقپارات».