"قازاق فيلولوگياسى اۋىر قازاعا ۇشىرادى. وسى جىلدىڭ 30 ناۋرىزىندا قازاق عىلىمى اۋىر قايعىعا دۋشار بولدى. قازاقستان رەسپۋبليكاسى ءبىلىم جانە عىلىم مينيسترلىگىنىڭ بايتۇرسىن ۇلى اتىنداعى ءتىل ءبىلىمى ينستيتۋتىن ۇزاق جىلدار بويى باسقارعان فيلولوگيا عىلىمدارىنىڭ دوكتورى, پروفەسسور حۇسايىن كوبەي شاحمەت ۇلى 74 جاسقا قاراعان شاعىندا ۇزاققا سوزىلعان ناۋقاستان ومىردەن وزدى. 1 ساۋىردە ساعات 10.00-دە قارالى ميتينگ چايكوۆسكي كوشەسى, 131, 1-پودەزد, 15-پاتەر (شەۆچەنكو قيىلىسى) وتەدى. قوناقاسى "التىن ادام" رەستورانىندا 1 ساۋىردە 13.00-دە شاشكين 5ا (پوپوۆ قيىلىسى) وتەدى", - دەپ جازدى ول.
كوبەي شاحمەت ۇلى حۇسايىنوۆ 1945 جىلى 27 ناۋرىزدا الماتى قالاسىندا تۋعان. قازمۋ-دى جانە قازاقستان عىلىم اكادەمياسىنىڭ تىل ءبىلىمى ينستيتۋتىنىڭ اسپيرانتۋراسىن بىتىرگەن.
قازاقستان عىلىم اكادەمياسىنىڭ تىل ءبىلىمى ينستيتۋتىندا كىشى, اعا عىلىمي قىزمەتكەر, عالىم-حاتشى , اعا عىلىمي قىزمەتكەر, ينستيتۋت ديرەكتورىنىڭ ورىنباسارى, ديرەكتورى, 2009 جىلدان باس عىلىمي قىزمەتكەر بولدى. عىلىمي ەڭبەكتەرى قازاق ءتىلىنىڭ كەلەلى ماسەلەلەرىنە ارنالعان. "قازاق تىلىندەگى اتاۋلاردىڭ دىبىس بەينەلەۋىشتىگى" تاقىرىبىندا دوكتورلىق ديسسەرتاتسيا قورعادى. 50-دەن استام عىلىمي جاريالانىمنىڭ اۆتورى.
