ەندى مىنە كوكتەمگى قىزىل سۋدىڭ بەتى قايتىپ, تاسقىن زارداپتارىن جويۋ باعىتىندا ءىس-شارالار جەدەل قولعا الىنعان تۇستا اياگوز قالاسىنا اقتوبە وبلىسىنان سول ءوڭىردىڭ باسشىسى بەردىبەك ساپارباەۆتىڭ باستاماسىمەن قۇرىلىسقا قاجەتتى 2 ۆاگون اق كىرپىش پەن 1 ۆاگون گازوبلوك جەتكىزىلدى.
«قينالعان جاندارعا قامقور بولۋ, قول ۇشىن سوزۋ – قانىمىزدا بار قاسيەت. وسى رەتتە سىن ساعاتتا قولداۋ ءبىلدىرىپ, جاردەمىن كورسەتكەن بەردىبەك ماشبەك ۇلىنا جانە اقتوبە حالقىنا اياگوز اۋدانىنىڭ تۇرعىندارى اتىنان العىسىمىزدى بىلدىرەمىز», دەيدى اياگوز اۋداندىق ىشكى ساياسات ءبولىمىنىڭ باسشىسى مەدەت مىرزىكەشوۆ.
ازامات قاسىم,
«ەگەمەن قازاقستان»
شىعىس قازاقستان وبلىسى,
اياگوز اۋدانى
