قاۋىپسىزدىك – باستى باسىمدىق

قورعانىس ۆەدومستۆوسىنىڭ باسشىسى ادىلبەك جاقسىبەكوۆتىڭ توراعالىعىمەن قازاقستان رەس­پۋب­ليكاسى قورعانىس مينيستر­لى­گىنىڭ القا وتىرىسى بولىپ ءوتتى. كۇن تارتىبىنە سايكەس, قارۋلى كۇش­تەردىڭ 2011 جىلعى قىزمە­تى­نىڭ قورىتىندىسى قارالىپ, ال­دا­عى 2012 جىلعا ناقتى تاپسىر­ما­لار قويىلدى. سونداي-اق, قا­زاق­ستان اسكەرىنىڭ باسشىلىق قۇرامى قازاقستان رەسپۋبليكاسى تاۋەل­سىز­دىگىنىڭ 20 جىلدىعى مەن قا­رۋلى كۇشتەردىڭ 20 جىلدىعىن مەرەكەلەۋگە دايىندىق بارىسىن تالقىلادى. جاۋىنگەرلىك ءازىر­لىك­تىڭ, جاۋىنگەرلىك كەزەكشىلىك پەن اسكەري ءتارتىپتىڭ جاي-كۇيى دە كەڭىنەن ءسوز بولدى. وتىرىستى اشقان قورعانىس مي­نيسترى بارلىق كومانديرلەرگە قاراتىپ: «قول جەتكىزىلگەن كور­سەت­كىشتەر كوڭىل قۋانتارلىق, ەندى نەگىزگى نازاردى جاۋىنگەرلىك ءازىر­لىك­تىڭ ساپاسىنا اۋدارۋ كەرەك. ەل­با­سى – قارۋلى كۇشتەردىڭ جو­عار­عى باس قولباسشىسىنىڭ بىزگە قويىپ وتىرعان باستى تالابى وسى», دەدى. قازاقستان رەسپۋبليكاسى ءتاۋ­ەلسىزدىگىنىڭ 20 جىلدىعىمەن تۇس­پا-تۇس كەلگەن قارۋلى كۇشتەردىڭ بيىلعى قىزمەتى كومانديرلىك داي­ىندىقتىڭ جاڭا كەشەنى انىق­تالىپ, جاۋىنگەرلىك ازىرلىك پەن اتىس كۋرستارىنىڭ جاڭا باعدار­لا­مالارى جاسالۋىمەن ەرەكشەلەندى. القا وتىرىسىندا اسكەري وقۋ ورىندارىندا وفيتسەرلەر دايىن­داۋ ماسەلەلەرى دە كوتەرىلدى. ما­مانداردى ءوز ەلىمىزدە دايىنداۋ قاجەتتىلىگى قاداپ ايتىلدى. ءوتىپ بارا جاتقان جىل ءاس­كەر­لەردىڭ جاۋىنگەرلىك وقۋى مەن وقۋ-جاتتىعۋلارىنا تولى بولدى. سول سەبەپتى دە, 2012 جىلى نەگىزگى كۇش ونى جەتىلدىرۋگە, جەكە قۇ­رامدى دەربەس وقىتۋعا جانە «قارۋلى كۇشتەردىڭ 20 جىل­دى­عىنا – قازاقستاننىڭ قاۋىپ­سىز­دىگىن قامتاماسىز ەتۋگە جۇم­سا­لىپ, ءبىزدىڭ جانقيارلىق ەڭبەگىمىز» ۇرانىمەن وتپەك. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ وكىلى.