ۇدايى قامقورلىق ءۇشىن اق العىس

مەملەكەت باسشىسى نۇرسۇلتان نازارباەۆتىڭ اتىنا ەل وڭىرلەرىندەگى كوللەدجدەر مەن كاسىپتىك ليتسەيلەر ديرەكتورلار كەڭەسى توراعالارىنان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. حات اۆتورلارى قازاقستاننىڭ تەحنيكالىق جانە كاسىپتىك ءبىلىم بەرۋ ۇيىمدارى اتىنان پرەزيدەنتكە ەلىمىزدەگى عىلىم مەن ءبىلىمدى دامىتۋ ماسەلەسىندە كور­سەت­كەن ۇدايى قامقورلىعى ءۇشىن العىستارىن بىلدىرەدى. حاتتا ەلدىڭ تەحنيكالىق جانە كاسىپتىك ءبىلىم بەرۋ جۇيەسى ەداۋىر وزگەرىستەرگە تۇسكەنى اتاپ وتىلگەن. مەملەكەت قازاقستاندىق جاس­تار­دىڭ اناعۇرلىم ساپالى تەحني­كا­لىق جانە كاسىبي ءبىلىم الىپ شى­عىپ, ەڭبەك نارىعىنا بەيىمدەلۋى ءۇشىن قاجەتتى جاعدايدى جاساۋدا. پوستكەڭەستىك كەڭىستىكتە قازاق­ستان ءبىلىم سالاسىندا, الەمدىك ءبىلىم بەرۋ جۇيەسىنە كىرىگۋدە رە­فورمالاردى تەرەڭدەتە جۇرگىزۋدە جانە قارقىنىن ارتتىرۋدا العاش­قى ورىندا كەلەدى. ءبىلىم بەرۋ مە­كەمەلەرىنىڭ سانى ارتۋدا, كاسىپتىك ليتسەيلەر اشىلۋدا, استانا, ال­ما­تى, اقتوبە, شىمكەنت قالا­لا­رىندا الەمدىك دەڭگەيدەگى كوللەدجدەر قۇرىلىسى جوسپارلانۋدا. حات اۆتورلارى پرەزيدەنتتىڭ تاپسىرماسىندا ماماندارعا سۇ­رانىستى انىقتايتىن, وندىرىستىك تاجىريبەنى ۇيىمداستىرۋعا, شەبەرلەر مەن وقىتۋشىلاردى ءون­دىرىستە تاعىلىمدامادان وتكىزۋگە, تۇلەكتەردى جۇمىسقا ورنالاس­تى­رۋ­عا ناقتى كومەكتەر كورسەتەتىن ۇلتتىق, سالالىق جانە وڭىرلىك كەڭەستەر, «كاسىپكەر» حولدينگى» اق قۇرۋ, ءبىلىم بەرۋ مەملەكەتتىك باعدارلاماسىن ىسكە اسىرۋ ماسە­لەلەرى كورىنىس تاپقانىن اتاپ وتكەن. مەملەكەت باسشىسىنىڭ تەحنيكالىق جانە كاسىبي ءبىلىم بەرۋ جۇيەسىنە كورسەتكەن ۇنەمى قولداۋىنىڭ ارقاسىندا ءبىلىم بەرۋ مەكەمەلەرىنىڭ يننوۆاتسيالىق قىزمەتى جان­دانىپ, تەك الەۋ­مەتتىك سەرىكتەستىك نازارىن عانا ەمەس, سونداي-اق شەتەلدىك ينۆەستورلار نازا­رىن اۋدارۋدا. «قۇرمەتتى نۇرسۇلتان ءابىش­ ۇلى! تەحنيكالىق جانە كاسىپتىك ءبىلىم بەرۋ قىزمەتكەرلەرى ءسىزدىڭ ۇلكەن ساياسي بيىكتەردەگى جەتىستىككە تولى ەڭبەك جولىڭىز مەتال­لۋرگ ماماندىعى بويىنشا جۇ­مىسقا ارالاسۋدان باستاۋ الدى. ءسىزدىڭ ەڭبەكتەگى ءومىربايانىڭىز جاستار ءۇشىن زور ۇلگى-ونەگە بو­لىپ تابىلادى. كەز كەلگەن ەلدىڭ ەكونوميكاسىنىڭ دامۋىنداعى نە­گىزگى نارسە ادام ەڭبەگى بولعان جانە بولىپ تا قالا بەرەدى. ەڭ­بەكتىڭ ءمانىن, ەڭبەك ادامىن ۇلىقتاۋ ماقساتىندا ءبىز 2012 جىلدى «ەڭبەك ادامىنىڭ جىلى» دەپ جاريالاۋدى ۇسىنامىز. ءبىز ءسىزدى ەلىمىزدەگى تەحنيكالىق جانە كاسىبي ءبىلىم بەرۋ جۇيەسىنىڭ ۇلكەن الەۋەتى, مىقتى شىعار­ماشىلىق باعىتى, پاتريوتتىق رۋحى بار دەپ سەندىرەمىز. ءبىز قازاقستاندى يندۋستريالاندىرۋ, يننوۆاتسيالىق ەكونوميكا ءۇشىن, بولاشاعى مول كاسىبي ما­مانداردى دايارلاۋ ءۇشىن بارلىق كۇش-جىگەرىمىزدى جۇمساي­مىز جانە ءسىزدىڭ سەنىمىڭىزدى اقتايمىز!», دەلىنگەن حاتتا. حات اۆتورلارى اراسىندا – بالقيا پىشەنوۆا, ىسقاق نۇر­مۇحانبەتوۆ, جانتىلەۋ ازيسحانوۆ, اقنۇر ەسلياموۆا, باعداگۇل جار­ماعامبەتوۆا, جاقسىباي قا­سىم­بەك, حاليدوللا تايپانوۆ, شال­قىما قۇرمانالينا, زەكەن راحيموۆ, سەرىكبول شاتينوۆ, سا­تىبالدى بايعابىلوۆ, حاميتجان ورىمباەۆ, نۇرلان اق­داۋ­لەتوۆ, اننا ۋشاكوۆا, قابىلقاق قا­پەنوۆ, جەڭىس ءابىلماجين, جەڭىس بابجانوۆ, ەركىن سات­قانباەۆ بار.