«J1–Jastar1» تەلەارناسى, ەڭ الدىمەن, 14-29 جاس ارالىعىنداعى جاستارعا ارنالعان. ول وقۋشىلار, ستۋدەنتتەر, جاس ماماندار مەن ءتۇرلى قىزمەت اياسىندا ەڭبەك ەتىپ جۇرگەن جاستارمەن قاتار, ۇرپاق تاربيەسىنە نەمقۇرايلى قارامايتىن بارلىق جاندار ءۇشىن دە قىزىقتى بولماق. ارنانىڭ ءپىشىمى, جاستار ومىرىندەگى ماڭىزدى جانە قىزىقتى وقيعالارعا نەگىزدەلگەن. تەلەارنانىڭ كونتەنتى اس ءۇيى, ءسان جانە سۇلۋلىقتان باستاپ شىتىرمان, تىلسىم وقيعالارعا, سپورتقا, تەلەحيكايالار مەن الەمدىك كينەماتوگرافيانىڭ حيتتەرىنە, الەۋمەتتىك رەاليتي مەن وتباسىلىق قارىم-قاتىناس, بالا تاربيەلەۋ جانە دەنساۋلىق تۋرالى توك-شوۋلارعا تولى تانىمدىق, پۋبليتسيستيكالىق جانە ويىن-ساۋىقتىق باعدارلامالاردان تۇرادى. باعدارلامالاردا جاستاردىڭ ماسەلەلەرى, مۇمكىندىكتەرى مەن ءوزىن-ءوزى تانىتۋى قاراستىرىلادى. «J1–Jastar1» تەلەارناسى بۇل – بۇگىنگى تاڭدا جاستاردىڭ وزىنە ارنانىڭ مازمۇنىن تولتىرۋعا مۇمكىندىك بەرىپ وتىرعان, ەش ارنالارعا ۇقسامايتىن اشىق الاڭ ۇسىنعان بىرەگەي ەرەكشە تەلەارنا», دەدى ارنانىڭ باس ديرەكتورى يلياس ىسقاقوۆ.
«J1–Jastar1» تەلەارناسى قازاقستان جاستارىنىڭ تالاپتارىن قاناعاتتاندىراتىن زاماناۋي تەلەۆيزيالىق ترەندتەردى تاراتاتىن, جاستاردىڭ جوبالارىن, وي-پىكىرلەرىن قولداۋعا, سونىمەن قاتار ولاردىڭ اراسىنداعى وزەكتى ماسەلەلەردى شەشۋگە باعىتتالعان جاڭا پىشىمدەگى ارنا. تەلەارنا 2018 جىلدىڭ 28 ناۋرىزىندا ID TV پلاتفورماسىندا, YouTube جانە Instagram الەۋمەتتىك جەلىلەرىندە ىسكە قوسىلدى. بولاشاقتا ونى وتاۋ تۆ كابەل جۇيەسى ارقىلى تاراتۋ جوسپارلانۋدا.
راۋان قايدار,
«ەگەمەن قازاقستان»
